قما الماتى قالاسى بويىنشا دەپارتامەنتى «ەڭبەك رەسۋرستارىن دامىتۋ ورتالىعى» اق جانە «ءبىرىنشى كرەديتتىك بيۋرو» ج ش س لاۋازىمدى تۇلعالارىنا قاتىستى ءىرى كولەمدە پارا الۋ جانە بەرۋ فاكتىسى بويىنشا سوتقا دەيىنگى تەرگەۋ باستادى، دەپ حابارلايدى Dalanews.kz.
تەرگەۋ بارىسىندا «ءبىرىنشى كرەديتتىك بيۋرو» ج ش س باسشىلىعى قارجى ۇيىمدارىنىڭ سۇرانىستارىن وڭدەۋگە قاجەتتى اقپاراتتىق قىزمەتتەر كورسەتۋ كەزىندە ءوز مۇددەلەرىن وتكىزۋ ماقساتىندا «ەڭبەك رەسۋرستارىن دامىتۋ ورتالىعى» اق باسشىلىعىنا جۇيەلى تۇردە زاڭسىز سىياقىلار بەرگەنى انىقتالدى.
2025 جىلعى 28 ماۋسىمدا الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرى جەدەل-ىزدەستىرۋ شارالارى بارىسىندا كەزەكتى 75 مىڭ اقش دوللارى كولەمىندەگى پارا بەرۋ كەزىندە ۇستالعاندار:
رۋسلان وماروۆ – «ءبىرىنشى كرەديتتىك بيۋرو» ءجشس-نىڭ باس ديرەكتورى،
ءاقمادي سارباسوۆ – «ەڭبەك رەسۋرستارىن دامىتۋ ورتالىعى» اق-نىڭ باسشىسى، بۇعان دەيىن قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگىنىڭ ءبىرىنشى ۆيسە-مينيسترى قىزمەتىن اتقارعان؛
داۋلەت ارعاندىكوۆ – «ەڭبەك رەسۋرستارىن دامىتۋ ورتالىعى» اق-نىڭ بۇرىنعى باسشىسى، بۇرىن قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيسە-مينيسترى قىزمەتىن اتقارعان.
كۇدىكتىلەردىڭ تۇرعىلىقتى جەرىن ءتىنتۋ بارىسىندا 370 مىڭ اقش دوللارى جانە 4،5 ملن تەڭگە كولەمىندە اقشا قاراجاتى تاركىلەندى.
2025 جىلعى 30 ماۋسىمدا سوت سانكسياسىمەن ا.سارباسوۆقا، ر. وماروۆقا جانە د.ارعاندىكوۆقا قاتىستى 2 اي مەرزىمگە قاماۋعا الۋ تۇرىندەگى بۇلتارتپاۋ شاراسى قولدانىلدى.
تەرگەۋ جالعاسۋدا.
ق ر قپك-نىڭ 201-بابىنا سايكەس وزگە اقپارات جاريا ەتۋگە جاتپايدى.
