ق ر ەڭبەك جانە حالىقتى الەۋمەتتىك قورعاۋ مينيسترلىگى "قازاقمىس كورپوراسياسى" ج ش س "جەزقازعانتۇستىمەت" وندىرىستىك بىرلەستىگىنىڭ ەرەۋىلگە شىققان جۇمىسكەرلەرگە قاتىستى مالىمدەمە جاسادى، - دەپ حابارلايدى Dalanews.kz.
مينيسترلىك جۇمىسكەرلەر ەڭبەك زاڭناماسىنىڭ نورمالارىن بۇزعانىن مالىمدەدى جانە كومپانيا جۇمىسكەرلەرىن ءوز جۇمىستارىن قايتا باستاۋعا شاقىرادى جانە ولاردىڭ جۇمىس بەرۋشىگە قويىلاتىن تالاپتارىن بەلگىلەنگەن تارتىپپەن تالقىلاۋدى ۇسىندى.
وسى جىلدىڭ 17-18 جەلتوقسانىندا "جەزقازعانتۇستىمەت" ءوب بىرنەشە شاحتاسىنىڭ جۇمىسكەرلەرى جالاقىنى كوتەرۋ تالابىمەن جۇمىستى توقتاتتى. جۇمىسكەرلەردىڭ بۇل ارەكەتتەرى ەڭبەك زاڭناماسىندا كوزدەلگەندەي تالاپتاردى ۇسىنۋ ءتارتىبىن جانە ولاردى جۇمىس بەرۋشىنىڭ قاراۋ رەتىن بۇزا وتىرىپ جۇرگىزىلدى.
ق ر ەڭبەك كودەكسىنە سايكەس قولدانىستاعى ءتارتىپ: وسى تالاپتاردى جۇمىس بەرۋشىگە رەسمي جولداۋدى، ولاردى جۇمىس بەرۋشىمەن قارالۋىن، ال ونى شەشۋ مۇمكىن بولماعان جاعدايدا تاتۋلاستىرۋ كوميسسياسىندا قاراستىرۋدى كوزدەيدى.
جۇمىسكەرلەردىڭ تالاپتارىن قاراۋدىڭ اتالعان ءتارتىبى وندىرىستىك پروسەستى توقتاتا تۇرۋدى كوزدەمەيدى. زاڭنامادا بەلگىلەنگەن ءتارتىپتى ساقتاماۋ تارتىپتىك جاۋاپتىلىققا اكەپ سوعادى.
قالىپتاسقان جاعدايدى رەتتەۋ ماقساتىندا ەڭبەكمينى تاراپتاردى تاتۋلاستىرۋ كوميسسياسى شەڭبەرىندە جانە تەك قۇقىق اياسىندا تاتۋلاستىرۋ راسىمدەرىن جۇرگىزۋگە جانە جۇمىسقا قايتا كىرىسۋگە شاقىرادى.
