مۇعالىمدەرگە رەسپۋبليكالىق وليمپيادالار مەن باسقا دا عىلىمي جارىستاردىڭ جەڭىمپازدارىن دايىنداعانى ءۇشىن ءۇش ايلىق كولەمىندە ءبىر رەتتىك تولەمدەر تولەنەدى.

وسىنداي ءتيىستى نورمالار ق ر پارلامەنتى ءماجىلىسىنىڭ پلەنارلىق وتىرىسىندا دەپۋتاتتار بەكىتكەن جانە نۇرلان ءنىعماتۋليننىڭ توراعالىعىمەن ماقۇلدانعان "ءمۇعالىمنىڭ مارتەبەسى تۋرالى" زاڭ جوباسىندا قامتىلعان، دەپ حابارلايدى zakon.kz.

ءماجىلىس دەپۋتاتى ءابدىماناپ بەكتۇرعانوۆ اتاپ وتكەندەي، زاڭ جوباسى پەداگوگيكالىق قىزمەتتىڭ شۇعىل جانە الەۋمەتتىك، كاسىبي ماسەلەلەرىن شەشۋگە، مۇعالىمدەرگە تۇسەتىن اۋىرتپالىقتى ازايتۋعا، ولاردى كوپتەگەن تەكسەرۋ مەن ادەتتەن تىس فۋنكسيالاردان قورعاۋعا، جۇمىس ىستەيتىن مۇعالىمدەردى ىنتالاندىرۋ شارالارىن بەلگىلەۋگە، سونداي-اق جاستاردى وسى ماماندىققا تارتۋعا باعىتتالعان.

- دەپۋتاتتار ەنگىزگەن تۇزەتۋلەرگە توقتالا كەتكىم كەلەدى. وندا 2021 جىلعى 1 قىركۇيەكتەن باستاپ ورتا ءبىلىم بەرۋ ۇيىمدارىنىڭ وقۋ جۇكتەمەسىن 18-دەن 16 ساعاتقا دەيىن تومەندەتۋ ءۇشىن نورما بەكىتىلگەن. مۇعالىمدەردىڭ پەداگوگيكالىق ەتيكانى بۇزۋى، بۇرىنعىداي اكىمشىلىك ەمەس، ەڭبەك كودەكسىندە قاراستىرىلعان تارتىپتىك جاۋاپكەرشىلىك بويىنشا جازالانادى، - دەدى ول.

سونىمەن قاتار، ءبىلىم بەرۋ سالاسىنداعى ۋاكىلەتتى ورگان ايقىنداعان تىزىمگە سايكەس ستۋدەنتتەر مەن وقۋشىلار اراسىنداعى حالىقارالىق وليمپيادالاردىڭ، بايقاۋلاردىڭ جانە سپورتتىق جارىستاردىڭ جەڭىمپازدارىن دايىندايتىن مۇعالىمگە ءتيىستى مەملەكەتتىك ءبىلىم بەرۋ ۇيىمىنىڭ بيۋدجەتى ەسەبىنەن ءۇش ايلىق مولشەردە ءبىرجولعى تولەم تولەنەتىن نورما ەنگىزىلگەن.

- "قازاقستاننىڭ ەڭبەك سىڭىرگەن ءمۇعالىمى" قۇرمەتتى اتاعىنا يە بولعان مۇعالىمگە 1000 اەك (بۇل 2 ميلليون 525 مىڭ تەڭگە) مولشەرىندە ءبىر رەتتىك سىياقى بەلگىلەندى. ماگيستر دارەجەسى ءۇشىن 10 ەسەلىك اەك مولشەرىندە، سونىمەن قاتار دەنە تاربيەسى جانە سپورت سالاسىنداعى اسكەري وقۋ ورىندارىنىڭ وقىتۋشىلارى ءۇشىن قوسىمشا تولەم بەلگىلەنگەن. اۋىلدىق جەرلەردە جۇمىس ىستەيتىن مۇعالىمدەرگە جەكە باسپانا ءۇشىن جەر ۋچاسكەلەرىن بەرۋ ءۇشىن كەپىلدەمە جاسالۋدا. ءمۇعالىمنىڭ ماماندىققا قۇرمەتپەن قاراۋىنا جانە ستۋدەنتتەر مەن ولاردىڭ اتا-انالارى نەمەسە زاڭدى وكىلدەرىنىڭ ءتارتىبى مەن قۇقىعى زاڭدا ناقتىلانعان، - دەدى ول.