Osyndai tiisti normalar QR Parlamenti Májilisiniń plenarlyq otyrysynda depýtattar bekitken jáne Nurlan Nyǵmatýlinniń tóraǵalyǵymen maquldanǵan "Muǵalimniń mártebesi týraly" zań jobasynda qamtylǵan, dep habarlaidy zakon.kz.
Májilis depýtaty Ábdimanap Bekturǵanov atap ótkendei, zań jobasy pedagogikalyq qyzmettiń shuǵyl jáne áleýmettik, kásibi máselelerin sheshýge, muǵalimderge túsetin aýyrtpalyqty azaitýǵa, olardy kóptegen tekserý men ádetten tys fýnktsiialardan qorǵaýǵa, jumys isteitin muǵalimderdi yntalandyrý sharalaryn belgileýge, sondai-aq jastardy osy mamandyqqa tartýǵa baǵyttalǵan.
- Depýtattar engizgen túzetýlerge toqtala ketkim keledi. Onda 2021 jylǵy 1 qyrkúiekten bastap orta bilim berý uiymdarynyń oqý júktemesin 18-den 16 saǵatqa deiin tómendetý úshin norma bekitilgen. Muǵalimderdiń pedagogikalyq etikany buzýy, burynǵydai ákimshilik emes, Eńbek kodeksinde qarastyrylǵan tártiptik jaýapkershilik boiynsha jazalanady, - dedi ol.
Sonymen qatar, bilim berý salasyndaǵy ýákiletti organ aiqyndaǵan tizimge sáikes stýdentter men oqýshylar arasyndaǵy halyqaralyq olimpiadalardyń, baiqaýlardyń jáne sporttyq jarystardyń jeńimpazdaryn daiyndaityn muǵalimge tiisti memlekettik bilim berý uiymynyń biýdjeti esebinen úsh ailyq mólsherde birjolǵy tólem tólenetin norma engizilgen.
- "Qazaqstannyń eńbek sińirgen muǵalimi" qurmetti ataǵyna ie bolǵan muǵalimge 1000 AEK (bul 2 million 525 myń teńge) mólsherinde bir rettik syiaqy belgilendi. Magistr dárejesi úshin 10 eselik AEK mólsherinde, sonymen qatar dene tárbiesi jáne sport salasyndaǵy áskeri oqý oryndarynyń oqytýshylary úshin qosymsha tólem belgilengen. Aýyldyq jerlerde jumys isteitin muǵalimderge jeke baspana úshin jer ýchaskelerin berý úshin kepildeme jasalýda. Muǵalimniń mamandyqqa qurmetpen qaraýyna jáne stýdentter men olardyń ata-analary nemese zańdy ókilderiniń tártibi men quqyǵy zańda naqtylanǵan, - dedi ol.
