اتىراۋ قالاسىندا ەمبٸمۇنايگاز كومپانيياسى باس ديرەكتورىنىڭ كوممەرتسييالىق مەسەلەلەر جٶنٸندەگٸ ورىنباسارى, باسقارما مٷشەسٸ يلياس قۇرامىسوۆ ماس كٷيٸندە كٶلٸك باسقارعانى ٷشٸن 15 تەۋلٸككە ەكٸمشٸلٸك قاماققا الىنىپ, 7 جىلعا جٷرگٸزۋشٸ كۋەلٸگٸنەن ايىرىلدى, دەپ حابارلايدى Dalanews.kz.
بۇل تۋرالى اتىراۋ قالاسىنىڭ ەكٸمشٸلٸك قۇقىق بۇزۋشىلىقتار جٶنٸندەگٸ مامانداندىرىلعان سوتىنىڭ 2025 جىلعى 15 جەلتوقسانداعى قاۋلىسىندا كٶرسەتٸلگەن.
سوت ماتەريالدارىنا سەيكەس, 2025 جىلعى 15 جەلتوقساندا يلياس قۇرامىسوۆ اتىراۋ قالاسىنداعى قۇلمانوۆ كٶشەسٸندە «BMW X6» ماركالى كٶلٸكتٸ الكوگولدٸك ماساڭ كٷيدە باسقارعان. مەديتسينالىق كۋەلاندىرۋ قورىتىندىسى ونىڭ جەڭٸل دەرەجەدە ماس بولعانىن راستاعان.
سوت وتىرىسىندا قۇرامىسوۆ ٶز كٸنەسٸن مويىنداماي, كٶلٸكتٸ ٶزٸ باسقارماعانىن, رٶلدە «ساۋ جٷرگٸزۋشٸ» بولعانىن, ال ٶزٸ جولاۋشى رەتٸندە وتىرعانىن ايتقان. ونىڭ سٶزٸن ادۆوكاتى دا قولداپ, پوليتسييا قىزمەتكەرلەرٸنٸڭ ەرەكەتتەرٸنە كٷمەن كەلتٸرٸپ, ٸستٸ توقتاتۋدى سۇراعان.
الايدا پوليتسييا ينسپەكتورى سوتتا قۇرامىسوۆتىڭ كٶلٸكتٸ ماس كٷيٸندە باسقارعانىن بەينەجازبا دەلەلدەيتٸنٸن, قۇقىق بۇزۋشىلىق جەدەل-پروفيلاكتيكالىق ٸس-شارا بارىسىندا انىقتالعانىن مەلٸمدەدٸ. پروكۋرور دا قۇرامىسوۆتى ەقبتك-نٸڭ 608-بابى 1-بٶلٸگٸ بويىنشا كٸنەلٸ دەپ تانۋدى سۇرادى.
سوت شەشٸمٸ
سوت بارلىق دەلەلدەمەلەردٸ زەرتتەي كەلە, قۇرامىسوۆتىڭ كٸنەسٸ تولىق دەلەلدەندٸ دەگەن قورىتىندىعا كەلدٸ. نەتيجەسٸندە ول:
• 15 تەۋلٸككە ەكٸمشٸلٸك قاماققا الىندى;
• 7 جىل مەرزٸمگە كٶلٸك قۇرالىن باسقارۋ قۇقىعىنان ايىرىلدى.
ەكٸمشٸلٸك قاماق مەرزٸمٸ 2025 جىلعى 15 جەلتوقسان كٷنٸ تاڭعى 05:58-دەن باستاپ ەسەپتەلەدٸ. جٷرگٸزۋشٸ كۋەلٸگٸ سوت قاۋلىسى تولىق ورىندالعانعا دەيٸن اتىراۋ قالاسى پوليتسييا باسقارماسىندا ساقتالاتىن بولدى.
سوت قاۋلىسىنا زاڭدا بەلگٸلەنگەن تەرتٸپپەن 10 تەۋلٸك ٸشٸندە اپەللياتسييالىق شاعىم تٷسٸرۋگە بولادى.
