"كەشە ەلوردادا 1500-دەن استام ادام كوروناۆيرۋس ىندەتىنە شالدىقتى. بۇل وتە جوعارى كورسەتكىش. ودان بولەك، 2245 ادام ستاسيونارلىق ەمدى تالاپ ەتەدى، ءقازىر ولار اۋرۋحانادا جاتىر. جانە 8 مىڭنان استام ناۋقاس ەمحانادا جانە 201 ادام رەانيماسيادا ەم الۋدا.
وكىنىشكە قاراي، ءولىم جاعدايى دا جوق ەمەس، كۇنىنە 15 ناۋقاس اتالعان ىندەتتەن مەرت بولۋدا. بۇگىندە دەنساۋلىق ساقتاۋ سالاسى قيىن ءساتتى باستان كەشۋدە، ارينە، ءبىز ءوز كەزەگىمىزدە بار كۇش-جىگەرىمىزدى جۇمسايمىز. ستاتيستيكا كورسەتىپ وتىرعانداي ءقازىر قالاداعى ىندەتتىڭ قارقىنى وتكەن جىلعى جازعى جاعدايدى قايتالاپ وتىر، ءتىپتى ودان دا جوعارى بولماسا تومەن ەمەس.
بار-جوعى 2-3 كۇننىڭ ىشىندە كوروناۆيرۋس جۇقتىرۋشىلاردىڭ قارقىنى كۇرت ءوستى. كورسەتكىش دەمالىس كۇندەرى بۋرابايدا دەمالىپ كەلگەن تۇرعىنداردىڭ ەسەبىنەن جوعارى بولىپ وتىر. دەمالىس كەزىندە استانالىقتاردىڭ بۋرابايعا اعىلعانىن ءبارىڭىز بايقادىڭىزدار"، – دەدى تيمۋر مۇراتوۆ ينستراگرامداعى تىكەلەي ەفيردە.
سونداي-اق ت.مۇراتوۆ لوكداۋن ەنگىزىلۋى مۇمكىن ەكەنىن ايتتى.
"لوكداۋن ماسەلەسى بۇگىندە ءبارىن تولعاندىرىپ وتىر. ارينە، قيىن جاعداي، ءبىراق ءبارى وزىمىزگە بايلانىستى. ەگەر ءبىز جەكە باس قاۋىپسىزدىگىن الدىڭعى ورىنعا قويساق، جاعداي وزگەرەدى. قاراپايىم عانا بەتپەردە تاعۋ، اراقاشىقتىق ساقتاۋ، كوپشىلىك جينالاتىن ورىنعا بارماۋ دەگەن سەكىلدى قيعادالاردى ساقتاساق جەتىپ جاتىر. سونداي-اق، ارينە، ۆاكسينا الۋ دا ماڭىزدى.
ۆيرۋستىڭ قول-اياعى جوق ونى تاراتىپ، جۇقتىراتىن ءوزىمىز. ياعني ساقتانساق، ىندەتكە شالدىعۋشىلاردىڭ سانى ازايادى، تيىسىنشە لوكداۋن ەنگىزۋ ماسەلەسى دە جويىلادى.
ال ىندەتتىك جاعداي ۇدەلەۋىن توقتاتپاسا، وندا قوسىشما شارا قابىلداۋعا تۋرا كەلەدى. سەبەبى قانشاما جان اۋىرىپ، ودان قالدى مەرت بولىپ جاتقاندا، شۇعىل ءارى وڭتايلى شەشىم قابىلداۋ تالاپ ەتىلەدى"، – دەدى تيمۋر مۇراتوۆ ينستراگرامداعى تىكەلەي ەفيردە.
باسقارما باسشىسى ىندەت ءورشي تۇسكەن جاعدايدا قوسىمشا گوسپيتال اشىپ، توسەك-جايلاردىڭ سانىن ارتتىرىپ، سول سياقتى قاجەتتى قۇرال-جابدىقتار مەن دارى-دارمەكپەن قامتىلاتىنىن ايتتى.
"اۋرۋمەن كۇرەستە ماماندار ماسەلەسىن دە ۇمىتپاعان ءجون. قازىرگى ۋاقىتتا ەلوردادا 6 مىڭنان استام دارىگەر مەن مەدبيكە ىندەتپەن كۇرەسىپ جاتىر. جالپى قالادا 21 مىڭ مەديسينا قىزمەتكەرى ەڭبەك ەتىپ جاتىر. جاعداي ناشارلاي تۇسسە، ىندەتپەن كۇرەسكە قوسىمشا ماماندار تارتاتىن بولامىز، ونىڭ ۇستىنە كوروناۆيرۋستان باسقا دا اۋرۋدان ەمدەلىپ جاتقان جاندار بار"، – دەيدى ول.
