ەلوردادا جازعى دەمالىس «قازاقستان بالالارى – جازدى قۋانىشپەن قارسى الادى!» اتتى ۇرانىمەن وتەدى. جازعى كەزەڭدە بالالاردىڭ ساۋىقتىرۋ دەمالىسىن، بوس ۋاقىتىن جانە جۇمىسپەن قامتىلۋىن ۇيىمداستىرۋ مەملەكەتتىڭ الەۋمەتتىك ساياساتىنىڭ اجىراماس بولىگى جانە بالالاردىڭ شىعارماشىلىق دامۋى ءۇشىن مۇمكىندىك بولىپ سانالادى. بۇل تۋرالى ونلاين بريفينگتە ءبىلىم باسقارماسى باسشىسىنىڭ ورىنباسارى ريمما يمانعازينوۆا ءمالىم ەتتى، – دەپ حابارلايدى Dalanews.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.

ريمما يمانعازينوۆانىڭ ايتۋىنشا، جاز مەزگىلىندە قالا سىرتىنداعى مىنا لاگەرلەردىڭ جۇمىسى جانداندىرىلادى:

- 240 ورىندىق «ARMAN» تۋريستىك-ساۋىقتىرۋ كەشەنى؛

- 160 ورىندىق «بوروۆيچوك» ساۋىقتىرۋ لاگەرى.

«اتالعان لاگەرلەر قالادان 100 شاقىرىم جەردە، ياعني اقمولا وبلىسىندا ورنالاسقان. سانيتارلىق نورمالاردى ساقتاي وتىرىپ، 10 كۇننەن 5 اۋىسىم وتكىزۋ جوسپارلانىپ وتىر. لاگەرلەر 7 ماۋسىمنان 10 تامىزعا دەيىن ۇيىمداستىرىلادى.

شتاتتىق قىزمەتكەرلەر – تالىمگەرلەر، تاربيەشىلەر، مەديسينالىق قىزمەتكەرلەر، اسپازدار، تەحنيكالىق قىزمەتكەرلەر قۇرىلدى»، - دەدى ول.

سونداي-اق، ءال-فارابي جانە ماحامبەت وتەمىس ۇلى اتىنداعى وقۋشىلار سارايىنىڭ بازالارىندا سانيتارلىق نورمالاردى ساقتاي وتىرىپ بالالاردىڭ جازعى دەمالىسىن ۇيىمداستىرۋ جوسپارلانۋدا. ءبىراق اس-سۋى قامتاماسىز ەتىلمەيدى.

تۋىنداعان سۇراقتار بويىنشا ءبىلىم باسقارماسىنىڭ Call-ورتالىعىنا 55-68-51 تەلەفونى بويىنشا حابارلاسىپ بىلە الاسىز.