سايلاۋ كۇنى مۇمكىندىگى شەكتەۋلى جانداردى تاسىمالداۋ جونىندە قىزمەتتى 3 ۇيىمنان 40 ماشينا جۇزەگە اسىراتىن بولادى:
- كرەسلو-اربامەن قوزعالاتىن مۇگەدەكتىگى بار ادامدار ءۇشىن – 6 بىرلىك، «مۇگەدەكتىك تەحنولوگياسىن زەرتتەۋدىڭ يننوۆاسيالىق عىلىمي-وندىرىستىك ورتالىعى» ج ش س جۇزەگە اسىرادى؛
- كورۋ قابىلەتى ناشار ادامدار ءۇشىن – 20 بىرلىك، «ماليكا» قوعامدىق بىرلەستىگى جۇزەگە اسىرادى؛
- 14 بىرلىك استانا قالاسىنىڭ مۇمكىندىگى شەكتەۋلى جاندار ءۇشىن (18 جاستان اسقان) دارىگەرلىك كونسۋلتاتيۆتىك كوميسسيانىڭ تاعايىنداۋى بويىنشا «مۇگەدەك بالالار قوعامى» قوعامدىق بىرلەستىگى قىزمەت كورسەتۋشى جۇزەگە اسىرادى.
قازاقستان رەسپۋبليكاسى كولىك جانە كوممۋنيكاسيا ءمينيسترىنىڭ مىندەتىن اتقارۋشىنىڭ 2013 جىلعى 1 قاراشاداعى № 859 «اۆتوموبيل كولىگىمەن مۇگەدەك ادامداردى تاسىمالداۋ بويىنشا قىزمەتتەر كورسەتۋ قاعيدالارىن بەكىتۋ تۋرالى» بۇيرىعىمەن بەكىتىلگەن اۆتوموبيل كولىگىمەن مۇگەدەكتەردى تاسىمالداۋ بويىنشا قىزمەتتەر كورسەتۋ قاعيدالارىنا سايكەس ينۆاتاكسي قىزمەتتەرىن كورسەتۋدى جەرگىلىكتى اتقارۋشى ورگاندار مەملەكەتتىك الەۋمەتتىك تاپسىرىس ارقىلى جۇزەگە اسىرادى.
مۇگەدەكتىگى بار ادامدارعا جانە مۇگەدەكتىگى بار بالالارعا ينۆاتاكسي قىزمەتىن كورسەتەتىن كورسەتكىشتەر مىنالار بولىپ سانالادى:
1) قوزعالۋى قيىن ءبىرىنشى توپتاعى مۇگەدەكتەرگە جەكە كومەكشىنىڭ جانە ىمداۋ ءتىلى مامانىنىڭ الەۋمەتتىك قىزمەتتەرىن كورسەتۋ قاعيدالارىنا 1-قوسىمشاعا سايكەس جەكە كومەكشىنىڭ الەۋمەتتىك قىزمەتتەر كورسەتۋىنە مەديسينالىق قارسى كورسەتكىشتەر، ەستۋ قابىلەتى ناشار ادامدارعا – قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 22 قاڭتارداعى No 26 بۇيرىعىمەن بەكىتىلگەن وڭالتۋدىڭ جەكە باعدارلاماسىنا سايكەس جىلىنا الپىس ساعات؛
2) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 30 قاڭتارداعى No 44 بۇيرىعىمەن بەكىتىلگەن مەديسينالىق-الەۋمەتتىك ساراپتاما جۇرگىزۋ قاعيدالارىنا 17-قوسىمشاعا سايكەس بولمەلىك جانە جۇرۋگە ارنالعان مۇگەدەكتەر اربالارىن بەرۋگە مەديسينالىق كورسەتكىشتەر.
مۇگەدەكتىگى بار ادامدارعا ينۆاتاكسي قىزمەتىن ۇسىنۋ ءۇشىن مۇگەدەكتىكتى بەلگىلەۋ مەرزىمىنە بەرىلگەن دارىگەرلىك-كونسۋلتاسيالىق كوميسسيانىڭ قورىتىندىسى نەگىز بولىپ سانالادى.
ينۆاتاكسي قىزمەتىن كۇندەلىكتى الۋ ءۇشىن قىزمەت كورسەتەتىن ۇيىمعا تەلەفون ارقىلى ءبىر تاۋلىك بۇرىن ءوتىنىم بەرۋ قاجەت.
استانا قالاسىنىڭ مۇگەدەكتىگى بار ادامداردى (18 جاستان اسقان) تاسىمالداۋ جونىندەگى قىزمەتتەردى:
- كرەسلو-اربامەن قوزعالاتىن ادامدار ءۇشىن – 6 بىرلىك مامانداندىرىلعان كولىك. جەتكىزۋشى ابىلاي حان، 43/1 مەكەنجايىندا ورنالاسقان «مۇگەدەكتىك تەحنولوگياسىن زەرتتەۋدىڭ يننوۆاسيالىق عىلىمي-وندىرىستىك ورتالىعى» ج ش س، ديسپەچەرلىك نومىرلەرى 8-708-425-36-56، 25-36-56.
دكك (دارىگەرلىك-كونسۋلتاسيالىق كوميسسيا) ۇسىنىمدارى بار، ءبىراق كرەسلو-اربالاردى پايدالانبايتىن مۇگەدەكتىگى بار ادامدار ءۇشىن – 14 بىرلىك، ساتپايەۆ، 31 مەكەنجايىندا ورنالاسقان «استانا قالاسىنىڭ مۇگەدەك بالالار قوعامى» قوعامدىق بىرلەستىگىنىڭ قىزمەت كورسەتۋشىسى جۇزەگە اسىرادى، ديسپەچەرلىك نومىرلەرى: 8-702-893-80-53، 8-702-793-58-21.
كورۋ قابىلەتى ناشار ادامدار ءۇشىن – 20 بىرلىك، بەيبىتشىلىك، 43 مەكەنجايىندا، 314-كابينەتتە ورنالاسقان «ماليكا» قوعامدىق بىرلەستىگى قىزمەت كورسەتۋشى جۇزەگە اسىرادى، ديسپەچەرلىك نومىرلەرى 87081050654، 87026070501، 77-04-18.
سونىمەن قاتار، استانا قالاسى ءماسليحاتىنىڭ 2017 جىلعى 20 شىلدەدەگى No 167/21-VI شەشىمىنە سايكەس، ەلوردادا قالا ازاماتتارىنىڭ جەكەلەگەن ساناتتارىنا قالالىق جولاۋشىلار كولىگى باعىتتارىندا جول ءجۇرۋ اقىسىن تولەۋدەن بوساتۋ تۇرىندە الەۋمەتتىك كومەك كورسەتىلەدى.
