Elordada múmkindigi shekteýli jandardyń tańdaý jasaýyna barlyq jaǵdai jasalǵan
Sailaý kúni múmkindigi shekteýli jandardy tasymaldaý jóninde qyzmetti 3 uiymnan 40 mashina júzege asyratyn bolady:
- kreslo-arbamen qozǵalatyn múgedektigi bar adamdar úshin – 6 birlik, «Múgedektik tehnologiiasyn zertteýdiń innovatsiialyq ǵylymi-óndiristik ortalyǵy» JShS júzege asyrady;
- kórý qabileti nashar adamdar úshin – 20 birlik, «Malika» qoǵamdyq birlestigi júzege asyrady;
- 14 birlik Astana qalasynyń múmkindigi shekteýli jandar úshin (18 jastan asqan) dárigerlik konsýltativtik komissiianyń taǵaiyndaýy boiynsha «Múgedek balalar qoǵamy» qoǵamdyq birlestigi qyzmet kórsetýshi júzege asyrady.
Qazaqstan Respýblikasy Kólik jáne kommýnikatsiia ministriniń mindetin atqarýshynyń 2013 jylǵy 1 qarashadaǵy № 859 «Avtomobil kóligimen múgedek adamdardy tasymaldaý boiynsha qyzmetter kórsetý qaǵidalaryn bekitý týraly» buiryǵymen bekitilgen Avtomobil kóligimen múgedekterdi tasymaldaý boiynsha qyzmetter kórsetý qaǵidalaryna sáikes invataksi qyzmetterin kórsetýdi jergilikti atqarýshy organdar Memlekettik áleýmettik tapsyrys arqyly júzege asyrady.
Múgedektigi bar adamdarǵa jáne múgedektigi bar balalarǵa invataksi qyzmetin kórsetetin kórsetkishter mynalar bolyp sanalady:
1) qozǵalýy qiyn birinshi toptaǵy múgedekterge jeke kómekshiniń jáne ymdaý tili mamanynyń áleýmettik qyzmetterin kórsetý qaǵidalaryna 1-qosymshaǵa sáikes jeke kómekshiniń áleýmettik qyzmetter kórsetýine meditsinalyq qarsy kórsetkishter, estý qabileti nashar adamdarǵa – Qazaqstan Respýblikasy Densaýlyq saqtaý jáne áleýmettik damý ministriniń 2015 jylǵy 22 qańtardaǵy No 26 buiryǵymen bekitilgen ońaltýdyń jeke baǵdarlamasyna sáikes jylyna alpys saǵat;
2) Qazaqstan Respýblikasy Densaýlyq saqtaý jáne áleýmettik damý ministriniń 2015 jylǵy 30 qańtardaǵy No 44 buiryǵymen bekitilgen Meditsinalyq-áleýmettik saraptama júrgizý qaǵidalaryna 17-qosymshaǵa sáikes bólmelik jáne júrýge arnalǵan múgedekter arbalaryn berýge meditsinalyq kórsetkishter.
Múgedektigi bar adamdarǵa invataksi qyzmetin usyný úshin múgedektikti belgileý merzimine berilgen dárigerlik-konsýltatsiialyq komissiianyń qorytyndysy negiz bolyp sanalady.
Invataksi qyzmetin kúndelikti alý úshin qyzmet kórsetetin uiymǵa telefon arqyly bir táýlik buryn ótinim berý qajet.
Astana qalasynyń múgedektigi bar adamdardy (18 jastan asqan) tasymaldaý jónindegi qyzmetterdi:
- kreslo-arbamen qozǵalatyn adamdar úshin – 6 birlik mamandandyrylǵan kólik. Jetkizýshi Abylai han, 43/1 mekenjaiynda ornalasqan «Múgedektik tehnologiiasyn zertteýdiń innovatsiialyq ǵylymi-óndiristik ortalyǵy» JShS, dispetcherlik nómirleri 8-708-425-36-56, 25-36-56.
DKK (Dárigerlik-konsýltatsiialyq komissiia) usynymdary bar, biraq kreslo-arbalardy paidalanbaityn múgedektigi bar adamdar úshin – 14 birlik, Satpaev, 31 mekenjaiynda ornalasqan «Astana qalasynyń múgedek balalar qoǵamy» qoǵamdyq birlestiginiń qyzmet kórsetýshisi júzege asyrady, dispetcherlik nómirleri: 8-702-893-80-53, 8-702-793-58-21.
Kórý qabileti nashar adamdar úshin – 20 birlik, Beibitshilik, 43 mekenjaiynda, 314-kabinette ornalasqan «Malika» qoǵamdyq birlestigi qyzmet kórsetýshi júzege asyrady, dispetcherlik nómirleri 87081050654, 87026070501, 77-04-18.
Sonymen qatar, Astana qalasy máslihatynyń 2017 jylǵy 20 shildedegi No 167/21-VI sheshimine sáikes, elordada qala azamattarynyń jekelegen sanattaryna qalalyq jolaýshylar kóligi baǵyttarynda jol júrý aqysyn tóleýden bosatý túrinde áleýmettik kómek kórsetiledi.
