مەملەكەت باسشىسى قاسىم-جومارت توقايەۆ كومىر باعاسىن كوتەرمەۋگە جانە دەلدالداردىڭ كومىر كومپانيالارىمەن كەلىسىپ سىبايلاسىپ كەتۋىنە جول بەرمەۋگە تاپسىرما بەرگەن بولاتىن.
«بەك-ايدا» جك ساتۋ مەنەدجەرى دۋلات قۇسايىنوۆ اتاپ وتكەندەي، كومىر ساتۋ ورىنداردا جەتىسپەۋشىلىكتەر بولماعان.
– كومىر ساتۋ كومپانيالارى مەن اكىمدىكتىڭ كومىردى الدىن-الا ساتىپ الۋ تۋرالى ۋاقتىلى جۇرگىزىلگەن اقپاراتتىق جۇمىسىنىڭ ارقاسىندا ەشقانداي دۇرلىگۋ مەن ۇزىن-سونار كەزەك بولعان جوق. تۇرعىندار كومىردى جازدا ساتىپ الا باستادى. ءقازىر دە كەلىپ جاتىر، كوبىسى العاشقى قارعا دەيىن ساتىپ العان. باعالار بەكىتىلگەن، – دەدى د.قۇسايىنوۆ.
ەلوردادا جىل سايىن 500 مىڭ توننادان كەم ەمەس كومىر تۇتىنىلادى، بۇگىنگە شامامەن 250 مىڭ توننا كومىر جەتكىزىلگەن. كومىردىڭ قورى 18 مىڭ 300 توننادان اسادى. ەلوردا اكىمى التاي كولگىنوۆ كومىردىڭ باعاسى مەن ساپاسىن باقىلاۋدا ۇستاپ وتىرۋدى ءارى قاراي جالعاستىرا بەرۋ كەرەكتىگىن ايتتى.
«iKomek109» قالالىق مونيتورينگ جانە جەدەل ارەكەت ەتۋ ورتالىعى جانىندا قاۋىرت جەلى قۇرىلدى. وندا ءار تۇرعىن ساتۋ ورىنداعى كومىردىڭ بار-جوعى، قانشا قورى بارىن، باعاسى مەن تۇرلەرى تۋرالى بىلە الادى. سونداي-اق، قالاداعى كومىرگە قاتىستى اقپارات قالالىق جانە اۋداندىق اكىمدىكتەردىڭ رەسمي سايتتارى مەن الەۋمەتتىك جەلىلەرىندە جاريالانىپ وتىرادى.
