قىتىمىر ايازدىڭ كەلۋى مەن اۋا-رايىنىڭ ناشارلاۋىنا بايلانىستى جاستار مەن بەلسەندىلەردەن قۇرالعان ەرىكتىلەر توبى #نۇرسۇلتانقايىرىمدىقالا اۋقىمدى اكسياسىن ۇيىمداستىردى.
قار تۇسكەلى بەرى سوڭعى ەكى اپتا بويى ەرىكتىلەردەن قۇرالعان جەدەل توپتار زەينەتكەرلەرگە، جالعىز باستى قاريالارعا اۋلا اۋماقتارىن قاردان تازارتۋعا كومەكتەسىپ، قاتتى اياز كۇندەرى ادامدار كوپ جينالاتىن جەرلەردە - بازارلاردا، ايالداما كەشەندەرىندە جانە ت.ب. ىستىق شاي تاراتادى.
سونداي-اق، بەلسەندىلەر اۆتوكولىك يەلەرىن ءبىرىنشى كەزەكتە بالالارى بار ايەلدەر مەن قارت ادامداردى تەگىن تاسىمالداۋعا شاقىرادى.
تاڭعى ساعات 8:00-دەن 10:00-گە دەيىن، سونداي-اق كەشكى ساعات 18:00-دەن 20:00-گە دەيىن ورتالىقتىڭ 40 ەرىكتىسى قالانى ارالاپ، ايالدامالاردا شاي مەن كوفە تاراتتى. جاستار 1500-گە جۋىق قالا تۇرعىندارىن ىستىق سۋسىنمەن جىلىتتى. توڭىپ قالماۋ ءۇشىن ەرىكتىلەر اۋىسىممەن جۇمىس ىستەدى.
«قازىرگى ۋاقىتتا قالادا اياز كۇشەيىپ جاتىر. مەكتەپتەردە ساباقتار توقتاتىلدى. وسىنداي مەيىرىمدى ىس-ارەكەتتەرمەن ءبىز اينالاعا جىلىلىق، دوستىق اتموسفەراسىن جاسايمىز، جاستاردى ادامدارعا كومەكتەسۋگە ۇگىتتەيمىز.
#نۇرسۇلتانقايىرىمدىقالا اكسياسى وسى قىس مەزگىلىن تولىق قامتيتىن بولادى، سوندىقتان ءبىز بارشاڭىزدى اكسياعا قوسىلۋعا جانە مۇقتاج جاندارعا كومەك كورسەتۋگە شاقىرامىز. الەۋمەتتىك جەلىلەردە #نۇرسۇلتانقايىرىمدىقالا حەشتەگىمەن جاقسى ىستەرىڭىزبەن ءبولىسۋىڭىزدى سۇرايمىز»، - دەدى ۆولونتەر ينابات قادىرشا.
