Qytymyr aiazdyń kelýi men aýa-raiynyń nasharlaýyna bailanysty jastar men belsendilerden quralǵan eriktiler toby #Nursultanqaiyrymdyqala aýqymdy aktsiiasyn uiymdastyrdy.
Qar túskeli beri sońǵy eki apta boiy eriktilerden quralǵan jedel toptar zeinetkerlerge, jalǵyz basty qariialarǵa aýla aýmaqtaryn qardan tazartýǵa kómektesip, qatty aiaz kúnderi adamdar kóp jinalatyn jerlerde - bazarlarda, aialdama keshenderinde jáne t.b. ystyq shai taratady.
Sondai-aq, belsendiler avtokólik ielerin birinshi kezekte balalary bar áielder men qart adamdardy tegin tasymaldaýǵa shaqyrady.
Tańǵy saǵat 8:00-den 10:00-ge deiin, sondai-aq keshki saǵat 18:00-den 20:00-ge deiin ortalyqtyń 40 eriktisi qalany aralap, aialdamalarda shai men kofe taratty. Jastar 1500-ge jýyq qala turǵyndaryn ystyq sýsynmen jylytty. Tońyp qalmaý úshin eriktiler aýysymmen jumys istedi.
«Qazirgi ýaqytta qalada aiaz kúsheiip jatyr. Mektepterde sabaqtar toqtatyldy. Osyndai meiirimdi is-árekettermen biz ainalaǵa jylylyq, dostyq atmosferasyn jasaimyz, jastardy adamdarǵa kómektesýge úgitteimiz.
#Nursultanqaiyrymdyqala aktsiiasy osy qys mezgilin tolyq qamtityn bolady, sondyqtan biz barshańyzdy aktsiiaǵa qosylýǵa jáne muqtaj jandarǵa kómek kórsetýge shaqyramyz. Áleýmettik jelilerde #Nursultanqaiyrymdyqala heshtegimen jaqsy isterińizben bólisýińizdi suraimyz», - dedi volonter Inabat Qadyrsha.
