كورمەگە اقىننىڭ 50-دەن استام كىتابى قويىلدى.
– ابايدىڭ ادەبي ەڭبەكتەرى ىلعي دا دۇكەن مەن كىتاپحانا سورەلەرىنىڭ تورىندە ورنالاسادى. اقىننىڭ شىعارمالارى قازاقستاننان تىس جەرلەردە دە تانىمال. بۇل جەردەن قۇندى كىتاپتاردى تابۋعا بولادى. اراسىندا اناتوليي كيم اۋدارعان اقىننىڭ «قارا سوزدەرى»، مۇحتار اۋەزوۆتىڭ «اباي جولى» رومانى، تەيمۋر اتايەۆتىڭ «ابايدىڭ ۇلىلىعى نەمەسە XXI عاسىرداعى ويشىلدىڭ پورترەتىن جاساۋعا تالپىنىس»، قۇلمات ومىرالييەۆتىڭ «اباي ءافوريزمى»، دۇكەنباي دوسجاننىڭ «ابايدىڭ رۋحى» سەكىلدى كىتاپتار بار. وقىرماندار وسى جانە وزگە دە كىتاپتاردى كىتاپحانا زالىندا وتىرىپ وقۋعا نەمەسە وزىمەن بىرگە ۇيىنە الىپ كەتۋىنە بولادى. ءبىزدىڭ كىتاپحاناشىلار كۇن سايىن الەۋمەتتىك جەلىلەردە پوست جازىپ، جاڭا باسىلىمدار تۋرالى حاباردار ەتەدى، – دەدى كىتاپحاناشى انار اكىمبەكوۆا.
سونىمەن قاتار وقۋشىلار كورمەدە ولەڭ وقىپ، ءان شىرقادى، ال جۇرتشىلىق ابايدىڭ شىعارماشىلىق جولىنىڭ باستى كەزەڭدەرى تۋرالى ءبىلىمىن ارتتىردى.
– مەن «سەگىزاياق» ولەڭىن وقىدىم، وندا اۆتور ادامنىڭ بويىنداعى جامان قاسيەتتەردى اشكەرەلەيدى. ابايدىڭ شىعارماشىلىعىن زەرتتەۋدەن ءلاززات الامىن. وندا ادامنىڭ ءوزىن-وزى دامىتۋ تۋرالى تەرەڭ ويلار قامتىلعان. سونداي-اق اقىننىڭ فيلوسوفيالىق شىعارمالارىندا العا ۇمتىلۋ، وتانعا دەگەن سۇيىسپەنشىلىك دارىپتەلەدى، – دەپ قورىتىندىلادى مەكتەپ وقۋشىسى ايعانىم ساتان.
