استانا حالىقارالىق فورۋمى (AIF) جاھاندىق سىن-قاتەرلەر مەن گەوساياسي شيەلەنىستەر جاعدايىندا مەملەكەتارالىق ىنتىماقتاستىقتى دامىتۋ جانە ديپلوماتيالىق ديالوگتى نىعايتۋ ميسسياسىن جالعاستىرىپ وتىر. فورۋمدى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ اشادى،- دەپ حابارلايدى Dalanews.kz
ۇيىمداستىرۋشىلار 39 پانەلدىك سەسسيا وتەدى دەپ جوسپارلاپ وتىر. ونىڭ ىشىندە 10 ەكسكليۋزيۆتى سەسسيا جوعارى دارەجەلى قوناقتارمەن جانە الەمدىك كوشباسشىلاردىڭ جەكە قاتىسۋىمەن وتەدى.
فورۋم باعدارلاماسى «سىرتقى ساياسات جانە حالىقارالىق قاۋىپسىزدىك»، «ەنەرگەتيكا جانە كليماتتىڭ وزگەرۋى»، «ەكونوميكا جانە قارجى» دەپ اتالاتىن ءۇش نەگىزگى تاقىرىپتان تۇرادى.
سىرتقى ساياسات جانە حالىقارالىق قاۋىپسىزدىك سالاسىنداعى الەمدىك ساراپشىلار بولاشاق تۋرالى پاكت، سونداي-اق كوپپوليارلى الەمدەگى «ورتا دەرجاۆالار» ساياساتىن، سونداي-اق تاياۋ شىعىستاعى جاڭا تەپە-تەڭدىككە اپاراتىن جولداردى تالقىلايدى.
ايتا كەتەيىك، ەلشى، ميۋنحەن قاۋىپسىزدىك كونفەرەنسياسىنىڭ ءتوراعاسى (2022-2025 جج.) كريستوف حويسگەن، ەلكانو كورولدىك ينستيتۋتىنىڭ ديرەكتورى چارلز پاۋەلل، جەنيەۆا قاۋىپسىزدىك ساياساتى ورتالىعىنىڭ (Gcsp) اتقارۋشى ديرەكتورى توماس گرەمينگەر اتالعان تاقىرىپ بويىنشا فورۋمعا قاتىساتىنىن راستادى.
ەنەرگەتيكا جانە كليماتتىڭ وزگەرۋى تۋرالى پانەلدىك سەسسيالاردا قاتىسۋشىلار سۋ جانە ەنەرگەتيكالىق قاۋىپسىزدىكتى، ورتالىق ازيانىڭ ورنىقتى بولاشاعىن، كليمات سالاسىنداعى جاھاندىق ءىس-قيمىلداردى، يننوۆاسيالىق سىن-تەگەۋرىندەردى تالقىلايدى.
بۇل تاقىرىپتار بويىنشا Power International Holding كومپانيالار توبىنىڭ ءتوراعاسىنىڭ ورىنباسارى، پرەزيدەنتى جانە باس اتقارۋشى ديرەكتورى رامەز ءال-حاييات، جاڭارتىلاتىن ەنەرگيا كوزدەرى جونىندەگى حالىقارالىق اگەنتتىكتىڭ (IRENA) باس ديرەكتورى فرانچەسكو لا كامەرا، ۇلىبريتانيا پارلامەنتى لوردتار پالاتاسىنىڭ مۇشەسى لورد فرەنسيس موۋد، سور29 پرەزيدەنتى مۇحتار بابايەۆ ءسوز سويلەيدى.
«ەكونوميكا جانە قارجى» تاقىرىبى بويىنشا نەگىزگى باعىتتار: الەمدىك ساۋدانىڭ بولاشاعىن انىقتاۋ، جاساندى ينتەللەكت، جاھاندىق ەكونوميكالىق قۋاتتى قايتا قاراۋ، سيفرلىق اكتيۆتەر ريەۆوليۋسياسى بولادى. فورۋمنىڭ قوناقتارى Berlin Global Dialogue نەگىزىن قالاۋشى جانە ءتوراعاسى لارس-حەندريك روللەر، Google كومپانياسىنىڭ ورتالىق جانە شىعىس ەۋروپا جونىندەگى ۆيسە-پرەزيدەنتى پاتريك ۋورنكينگ، مينيستر-شەتەلدەگى فرانسۋز ازاماتتارىنىڭ سىرتقى ساۋدا جانە ىستەر جونىندەگى دەلەگاتى لوران سەنت-مارتەن، ەۋروپالىق ينۆەستيسيالىق بانكتىڭ ۆيسە-پرەزيدەنتى كيرياكوس كاكوريس بولادى.
2025 جىلعى استانا حالىقارالىق فورۋمى - جاھاندىق ديالوگ پەن وزەكتى الەمدىك پروبلەمالاردى تالقىلاۋعا ارنالعان نەگىزگى الاڭ. جوبا جاھاندىق سىن-قاتەرلەردى بىرلەسىپ شەشۋ ءۇشىن ەلدەردى بىرىكتىرە وتىرىپ،مۋلتيلاتەراليزمنىڭ جاڭا ءداۋىرىن قالىپتاستىرۋعا ىقپال ەتەدى. ءىس-شارا ەكونوميكاعا،كليماتقا جانە مەملەكەت ارالىق قاتىناستارعا باعىتتالعان جاھاندىق وزگەرىستەر جاعدايىندا حالىقارالىق ىنتىماقتاستىقتى نىعايتۋعا باعىتتالعان.
فورۋم جانە وعان قاتىسۋ مۇمكىندىكتەرى تۋرالى تولىق اقپاراتتى مىنا سايتتان تابۋعا بولادى: https://www.astanainternationalforum.org/
