جارمەڭكەگە شقو-عا قاراستى 15 اۋدانى مەن 2 قالاسىنىڭ ەڭبەككەرلەرى قاتىسىپ، ەلوردا تۇرعىندارىنا وزدەرى وندىرگەن ونىمدەرىن ءتيىمدى باعادا ۇسىنباقشى. ەكى كۇنگە سوزىلاتىن جارمەڭكەدە شىعىستىڭ اۋىل شارۋاشىلىعى ەڭبەككەرلەرى 15 ءتۇرلى تاۋاردى ەلوردا تۇرعىندارىنا ۇسىنادى. وسىلايشا شارۋالار قۇنى 224،4 ملن تەڭگە بولاتىن 297 توننا ءونىم ساۋدالاۋدى جوسپارلاپ وتىر.
تارقاتىپ ايتساق، بۇل جولى شقو-دان كەلگەن شارۋالار 150 توننا كارتوپ، 45 توننا بال، 40 توننا جىلقى ەتى، 15 توننا ءسۇت ونىمدەرىن، 10 توننا وسىمدىك مايىن، 8 توننا قىمىز، 5 توننا بالىق پەن شۇجىقتى، 1،5 توننا جارما جانە 20 توننادان استام وزگە دە ءونىم تۇرلەرىن قالا تۇرعىندارىنىڭ نازارىنا ۇسىنادى. ارزان باعاداعى شقو-دا وندىرىلگەن ءونىمدى الىپ قالىڭىز!
