استانا – ششۋچينسك باعىتىنداعى اقىلى تاسجولدىڭ كٷنباعىس القاپتارى ورنالاسقان بٶلٸگٸندە كٶلٸگٸن توقتاتىپ, سۋرەتكە تٷسكەن جٷرگٸزۋشٸلەر ەكٸمشٸلٸك جاۋاپكەرشٸلٸككە تارتىلدى, دەپ حابارلايدى dalanews.kz.
اقمولا وبلىسى پوليتسيياسىنىڭ مەلٸمەتٸنشە, اتالعان ۋچاسكە جوعارى جىلدامدىقپەن جٷرەتٸن اۆتوبان بولعاندىقتان, وندا كٶلٸكتٸ توقتاتۋعا قاتاڭ تىيىم سالىنعان. بۇل تالاپ جول بويىنا ورناتىلعان ارنايى جول بەلگٸلەرٸ ارقىلى الدىن الا ەسكەرتٸلگەن.
سوعان قاراماستان, كٷنباعىس گٷلدەگەن ماۋسىمدا ەلەۋمەتتٸك جەلٸگە سۋرەت تٷسٸرۋ ماقساتىندا بٸرقاتار جٷرگٸزۋشٸ كٶلٸكتەرٸن رۇقسات ەتٸلمەگەن جەرگە توقتاتقان.
پوليتسييانىڭ حابارلاۋىنشا, گٷلدەۋ كەزەڭٸ باستالعالى بەرٸ بەلگٸلەنبەگەن جەردە توقتاعانى ٷشٸن 25 جٷرگٸزۋشٸ ەكٸمشٸلٸك جاۋاپكەرشٸلٸككە تارتىلعان.
قولدانىستاعى زاڭناماعا سەيكەس, مۇنداي قۇقىق بۇزۋشىلىق العاش رەت جاسالسا, 3 اەك (12 975 تەڭگە) كٶلەمٸندە ايىپپۇل سالىنادى. ال بٸر جىل ٸشٸندە بۇل ەرەكەت قايتالانسا, ايىپپۇل مٶلشەرٸ 10 اەك-كە (43 250 تەڭگە) دەيٸن ٶسەدٸ.
تەرتٸپ ساقشىلارى جٷرگٸزۋشٸلەرگە جول قوزعالىسى ەرەجەلەرٸن قاتاڭ ساقتاپ, جوعارى جىلدامدىقتى تاسجولداردا ٶز قاۋٸپسٸزدٸگٸ مەن ٶزگە جول قوزعالىسىنا قاتىسۋشىلاردىڭ ٶمٸرٸنە قاۋٸپ تٶندٸرمەۋگە شاقىردى.
