كلينيكانىڭ باس دارىگەرى يۆان لي قالا باسشىسىنا 3H جۇيەسىنىڭ جۇمىسى تۋرالى ايتتى. 3H ەمدەلۋشىلەردى ءۇش بولىككە بولەدى. ولار – شۇعىل كومەك، ورتاشا، جاسىل بولىكتە پاسيەنتتەردى تىركەۋدىڭ ەلەكتروندىق جۇيەسى ۇيىمداستىرىلعان.
– قىزىل بولىكتە-قارقىندى تەراپيانىڭ رەانيماسيالىق پالاتالارى ۇيىمداستىرىلعان. پاسيەنتتى جاساندى تىنىس الۋ اپپاراتىنا بىردەن كوشىرىپ، وزگە دە اما ماڭىزدى مەديسينالىق قىزمەتتەردى كورسەتۋگە بولادى. اۆتوبۋس ءىرى جول-كولىك وقيعاسى تۇسكەن كەزدە بارلىق 29 زارداپ شەككەندەر ءبىزدىڭ قىزىل بولىككە كەلىپ ءتۇستى. سارى بولىكتە قاراۋ كابينەتتەرى ۇيىمداستىرىلعان. پاسيەنت سول جەردە اناليز تاپسىرىپ، مامانداردىڭ كەڭەسىن الا الادى، – دەدى ي. لي.
جاسىل بولىكتە ناۋقاستاردى تىركەۋدىڭ ەلەكتروندىق جۇيەسى ۇيىمداستىرىلعان. وپەراتور العاشقى دياگنوستيكانى جۇرگىزىپ، قاراۋ ءۇشىن مامانداردى شاقىرادى.
كەزدەسۋ بارىسىندا كلينيكانىڭ ەكى عيماراتى اراسىندا وتكەل جولدى سالۋ، كومپيۋتەرلىك توموگرافيانى ساتىپ الۋ مەن ماشينالارعا ارنالعان تۇراق ورىندارىنىڭ سانىن ارتتىرۋ قاجەتتىگى ايتىلدى.
وتكەل جولدا كەشەندى-دياگنوستيكالىق بولىمشەسى بار قابىلداۋ بولمەسى بولادى. بۇل دارىگەرلەردىڭ جۇمىسىن جەڭىلدەتەدى جانە پاسيەنتتەر ءۇشىن قولايلى جاعداي جاسايدى. قالا اكىمى التاي كولگىنوۆ جوبالىق-سمەتالىق قۇجاتتامانى ازىرلەۋدى تاپسىردى.
