قابىلداۋ بارىسىندا جۇمىسقا ورنالاسۋ, بٸلٸم مەن مەديتسينالىق كٶمەك الۋ, تۇرعىن ٷي باعدارلامالارىنا قاتىسۋ مەسەلەلەر كٶتەرٸلدٸ.
ەلوردا تۇرعىنىنىڭ ايتۋىنشا, بالالاردى وڭالتۋ مەسەلەسٸ ماڭىزدى مەسەلە ەكەنٸ ايتىلدى. بالالاردى وڭالتۋداعى تيٸمدٸ ەدٸستەردٸڭ بٸرٸ – بۇل باسسەيندەگٸ ساباقتار دەسەك بولادى. اتا-انالار باسسەيٸندە «بالالار قۇلاۋدان قورىقپاي, جاڭا قوزعالىس داعدىلارىن جىلدام مەڭگەرە الاتىنىن» دەپ اتاپ ٶتتٸ. ەلوردا ەكٸمٸ التاي كٶلگٸنوۆ بۇل باعىتتاعى كٶمەكتٸڭ ماڭىزدىلىعى قولداپ ٶز ويىن ايتتى.
– بٸز ەرەكشە قاجەتتٸلٸكتەرٸ بار بالالارعا بٸلٸكتٸ كٶمەك كٶرسەتۋمەن اينالىساتىن ٷكٸمەتتٸك ەمەس ۇيىمداردىڭ ٶكٸلدەرٸمەن, دەرٸگەرلەرمەن, ەلەۋمەتتٸك قىزمەتكەرلەرمەن بٸرنەشە رەت كەزدەستٸك. ۇسىنىستارىن تىڭدادادىق. ٶز تاراپىمىزدان قاجەتتٸ كٶمەك-قولداۋدى ايامايمىز. باسسەيندە وڭالتۋ جاتتىعۋلارىن جاساتاتىن ساباقتارعا قولداۋ كٶرسەتەمٸز. ەرەكشە قاجەتتٸلٸكتەرٸ بار بالالاردى تەربيەلەپ وتىرعان اتا-انالارعا قوسىمشا مەديتسينالىق كٶمەك كٶرسەتٸلەدٸ, – دەدٸ التاي كٶلگٸنوۆ.
كەزدەسۋدە ەلوردا ەكٸمٸ تۇرعىنداردىڭ ٶتٸنٸشتەرٸ باقىلاۋعا الىناتىنىن دا اتاپ ٶتتٸ. 8 اقپان (سەنبٸ كٷنٸ) «جانۇيا» وتباسى ينستيتۋتىن قولداۋ ورتالىعىندا «اشىق ەكٸمدٸك» فورماتىندا اشىق ەسٸك كٷنٸ ٶتەدٸ.
