– مەملەكەت باسشىسى جەدەل مەديسينالىق قىزمەت كورسەتۋ قىزمەتىن جاڭارتۋعا، مەديسينالىق قىزمەتتىڭ ساپاسى مەن قولجەتىمدىلىگىن قامتاماسىز ەتۋگە باسا ءمان بەرەدى. بۇل باعىتتا بەلسەندى تۇردە جۇمىس جۇرگىزىپ كەلەمىز. ادامدار ەڭ الدىمەن سىزدەرگە – جەدەل جاردەم قىزمەتىنە حابارلاسادى. سىزدەرگە كوپ نارسە بايلانىستى. سىزدەر – ادام ءومىرىن ساقتاپ قالىپ، ەڭ باستى مىندەتتى اتقارىپ جۇرسىزدەر، – دەدى قالا اكىمى التاي كولگىنوۆ.
كولىكتەردىڭ باسىم بولىگى شۇعىل مەديسينالىق كومەككە مۇقتاج پاسيەنتتەردى تاسىمالداۋ، مونيتورينگ جانە ينتەنسيۆتى تەراپيا كومەگىن كورسەتۋ مۇمكىندىگى بار رەانيماسيالىق كولىكتەر.
اۆتوكولىكتەر دەفيبريلياتورلارمەن جانە جۇرەك قاعىسىنىڭ، سونداي-اق، بارلىق ومىرلىك ماڭىزدى كورسەتكىشتەردى تولىق مونيتوريگتەۋ جۇيەسىمەن جابدىقتالعان. بۇدان وزگە، ءار اۆتوكولىكتە زاماناۋي وكپە ۆەنتيلياسيا، وتتەك باللونى، جاساندى قاناينالىم اپپاراتتارى بار.
– كۇنىنە 3 مىڭ ءوتىنىش، 1700 شاقىرۋ تۇسەدى. وسى كولىكتەردى ساتىپ العانعا دەيىن لينيادا 64 ماشينا بولعان. ەندى قوسىمشا الىنعان جاڭا 52 اۆتوكولىك بىزگە شاقىرۋ جۇكتەمەسىن ايتارلىقتاي جەڭىلدەتەدى. اۆتوپارك ەكى ەسەگە ۇلعايدى دەۋگە بولادى. بيىلعى جىلى رەانيماسيا جانە ءقاۋىپسىز كولىك جۇرگىزۋدىڭ حالىقارالىق ستاندارتى بويىنشا ستانسيانىڭ 700 قىزمەتكەرى وقۋدان ءوتتى، – دەدى نۇر-سۇلتان قالاسى اكىمدىگىنىڭ شجق «قالالىق جەدەل مەديسينالىق كومەك كورسەتۋ ستانسياسى» مكق ديرەكتورى مۇرات ورازبايەۆ.
Hyundai H350 Ambulance ماركالى 52 جاڭا كولىك «Hyundai Trans Auto» («استانا موتورس» كومپانياسى) كولىك جيناۋ مەكەمەسىندە قۇراستىرىلعان.
https://www.youtube.com/watch؟time_continue=3&v=pPhnfJV7Dpw&feature=emb_logo
