2024 جىلى قازاقستاندىقتارعا بيۋدجەتتەن 3،7 ترلن تەڭگەدەن استام سوماعا زەينەتاقى تولەندى، دەپ حابارلايدى Dalanews.kz.
2024 جىلى رەسپۋبليكالىق بيۋدجەتتەن 3 ترلن 752،1 ملرد تەڭگە سوماسىنا زەينەتاقى تولەندى، ونىڭ 1 ترلن 182،3 ملرد تەڭگەسى بازالىق زەينەتاقى تولەۋگە، 2 ترلن 569،8 ملرد تەڭگەسى ىنتىماقتى زەينەتاقى تولەۋگە جۇمسالدى.
2025 جىلعى 1 قاڭتارداعى جاعداي بويىنشا زەينەتكەرلەر سانى – 2 ملن 451 مىڭ ادام.
2024 جىلعى جەلتوقساندا جيىنتىق زەينەتاقىنىڭ ورتاشا مولشەرى 131 356 تەڭگەنى قۇرادى، ونىڭ ىشىندە ىنتىماقتى زەينەتاقى مولشەرى – 88 819 تەڭگە، بازالىق زەينەتاقى – 42 537 تەڭگە.
بۇدان بۇرىن حابارلانعانداي، 2025 جىلعى 1 قاڭتاردا بازالىق زەينەتاقى تولەمىنىڭ مولشەرى ق ر ۇلتتىق بانكى ايقىندايتىن ينفلياسيانىڭ بولجامدى دەڭگەيىنە سايكەس 6،5%-عا، ىنتىماقتى زەينەتاقى 8،5%-عا، ياعني ينفلياسيا دەڭگەيىنەن 2% - عا وزا وتىرىپ ۇلعايتىلدى.
بۇدان باسقا مەملەكەت باسشىسىنىڭ تاپسىرماسى بويىنشا 2023 جىلدان باستاپ بەس جىل ىشىندە ەڭ تومەن بازالىق زەينەتاقىنى ەڭ تومەن كۇنكورىس دەڭگەيىنىڭ 70%-نا دەيىن، ەڭ جوعارى – 120%-عا دەيىن جىل سايىن كەزەڭ-كەزەڭىمەن ارتتىرۋ جۇزەگە اسىرىلادى.
ماسەلەن، 2025 جىلعى 1 قاڭتاردان باستاپ بازالىق زەينەتاقىنىڭ ەڭ تومەن مولشەرى ەڭ تومەن كۇنكورىس دەڭگەيىنىڭ 65%-نان 70%-عا دەيىن ۇلعايتىلدى، بۇل 32 360 تەڭگەنى قۇراپ، ونىڭ ەڭ جوعارى مولشەرى ەڭ تومەن كۇنكورىس دەڭگەيىنەن 105-تەن 110%-عا دەيىن ارتتىرىلىپ، 50 851 تەڭگەنى قۇرايدى.
2018 جىلعى 1 شىلدەدەن باستاپ مەملەكەتتىك بازالىق زەينەتاقى تولەمى زەينەتاقى جۇيەسىندەگى ءوتىلىن ەسكەرە وتىرىپ، ءار الۋشىعا جەكە تاعايىندالاتىنىن ەسكە سالامىز.
بۇل رەتتە 1998 جىلعى 1 قاڭتارداعى جاعداي بويىنشا ىنتىماقتى جۇيەدە جۇمىس ىستەگەن ۋاقىتى، سونداي-اق مىندەتتى زەينەتاقى جارنالارى تولەنگەن كەزەڭدەر زەينەتاقى جۇيەسىندەگى ەڭبەك وتىلىنە قوسىلادى.
