بيىل وڭىردەگى 807 مىڭ گەكتار جەرگە سوقا تيگەن. ونىڭ، 227 مىڭ گەاتارىنا جۇگەرى ەگىلسە، 114 مىڭىنا باقشا ءدانىنىڭ تۇقىمى ەگىلگەن. الىنعان ءونىم كولەمى دە جوعارى.بيىل، ديحاندار ماساقتى داقىلداردىڭ ءار گەكتارىنان 18 ال، جۇگەرىدەن ورتاشا ەسەپپەن 48 پايىزدان ءونىم جيناعان.
ءوز كەزەگىندە تۇركىستان وبلىستىق اۋىل شارۋاشىلىعى باسقارماسى باسشىسىنىڭ مىندەتىن اتقارۋشى نۇربەك بادىراقوۆ توعىز ايدا اتقارىلعان جۇمىستار جايىندا تۇسىنىكتەمە بەردى.
– اۋىل شارۋاشىلىعى سالاسى بويىنشا 9 ايدا 273 ملرد تەڭگەنىڭ ءونىمى ءوندىرىلدى. ناقتى كولەم يندەكسى 103،8 پايىز قۇراپ، رەسپۋبليكا بويىنشا 3ء-شى ورىندى يەلەندىك. جىل سوڭىنا دەيىن جوسپار بويىنشا 570 ملرد تەڭگەنىڭ ءونىمىن ءوندىرۋ جانە 1 جۇمىسشىعا شاققاندا 2،1 ملن تەڭگەنى قۇرايتىن بولادى، – دەدى باسقارما باسشىسى.
بيىل وڭىرىمىزدە ەت ەكسپورتىنىڭ دا الەۋەتى ارتقانى بايقالادى. وتكەن 9 ايدا وڭىردە 4600 توننا ەت ءوندىرىلىپ، كورشى وزبەكستان، يران جانە ءباا ەكسپورتتالعان. بۇل – رەسپۋبليكا بويىنشا ەكسپورتتالعان ەت ونىمدەرىنىڭ 55 پايىزىن قۇرايدى. وبلىس ديحاندارى وزىق تەحنولوگيالاردى قولدانۋ بويىنشا دا كوش باستاپ تۇر. ماسەلەن، رەسپۋبليكاداعى جىلىجايلاردىڭ 77، تامشىلاتىپ سۋعارۋ ءادىسىنىڭ 73 پايىزى تۇركىستان وبلىسىنا تيەسىلى. بيىل تاعى دا 126 گەكتار جەرگە قوسىمشا جىلىجاي سالىنىپ، جالپى كولەمى 1285 گەكتاردان استى. سونداي-اق، تامشىلاتىپ سۋعارۋ ءادىسى دە 6400 گەكتارعا ۇلعايىپ، جالپى كولەمى 64 مىڭ گەكتارعا جەتتى. وتكەن 9 ايدىڭ قورىتىندىسى بويىنشا وبلىستاعىاۋىل شارۋاشىلىعى سالاسىنا تارتىلعان ينۆەستيسيا كولەمى 10 ملرد تەڭگەدەن اسىپ وتىر.
ءسوز سوڭىندا نۇربەك بادىراقوۆ وڭىردەگى ۆەتەريناريا سالاسىنا كوپ كوڭىل بولىنەتىن بولادى. ول ءۇشىن ارنايى زاڭ ازىرلەنىپ جاتقاندارىن العا تارتتى.
