2025 جىلعى 1 قىركۇيەكتەگى جاعداي بويىنشا، بانك سەكتورىنىڭ اكتيۆتەرى، نەگىزىنەن، نەسيە پورتفەلىنىڭ 40،9 ترلن تەڭگەگە دەيىن 2،7%-عا ءوسۋى ەسەبىنەن اعىمداعى جىلعى تامىزدا 2،4%-عا ۇلعايىپ، 66،6 ترلن تەڭگە قۇرادى (2025 جىلدىڭ باسىنان 8،3%-عا ءوسۋ)، دەپ حابارلايدى Dalanews.kz قارجى نارىعىن رەتتەۋ جانە دامىتۋ اگەنتتىگى ۇسىنعان مالىمەتتەرگە سۇيەنە وتىرىپ.

ەكونوميكاعا جانە جەكە تۇلعالارعا بەرىلگەن نەسيەلەر

ەكىنشى دەڭگەيدەگى بانكتەردىڭ وتىمدىلىگى جوعارى اكتيۆتەرى 19،5 ترلن تەڭگەنى نەمەسە اكتيۆتەردىڭ 29،3%-ىن قۇرادى. بۇل بانكتەرگە ءوز مىندەتتەمەلەرىنە تولىق كولەمدە قىزمەت كورسەتۋگە مۇمكىندىك بەرەدى.

ەكىنشى دەڭگەيدەگى بانكتەردىڭ ەكونوميكاعا بەرگەن كرەديتتەرى 2025 جىلعى تامىزدا 2،4%-عا 38،0 ترلن تەڭگەگە دەيىن ۇلعايدى (2025 جىلدىڭ باسىنان 12،7%-عا ءوسۋ). بۇل رەتتە، ۇلتتىق ۆاليۋتادا بەرىلگەن كرەديتتەر 2،6%-عا 34،8 ترلن تەڭگەگە دەيىن، شەتەل ۆاليۋتاسىندا 1،1%-عا 3،2 ترلن تەڭگەگە دەيىن ۇلعايدى. ناتيجەسىندە تەڭگەمەن كرەديتتەردىڭ ۇلەس سالماعى 2025 جىلعى 1 قىركۇيەكتەگى جاعداي بويىنشا 91،6%-دى قۇرادى (01.01.2025 ج. – 91،2%).

بيزنەس سۋبەكتىلەرىنە بەرىلگەن كرەديتتەر 2025 جىلعى تامىزدا نەگىزىنەن ينۆەستيسيالارعا جانە باعالى قاعازدار ساتىپ الۋعا بەرىلگەن قارىزداردىڭ 1،5%-عا 3،7 ترلن تەڭگەگە ءوسۋى ەسەبىنەن 14،3 ترلن تەڭگەگە دەيىن 1،4%-عا ۇلعايدى (2025 جىلدىڭ باسىنان 9،4%-عا ءوسۋ). ونىڭ ىشىندە، مەرزىمىنەن بۇرىن وتەۋلەر ناتيجەسىندە ءىرى بيزنەسكە بەرىلگەن قارىزدار 1،6%-عا 5،1 ترلن تەڭگەگە دەيىن تومەندەدى، شوب سۋبەكتىلەرىنە قارىزدار - 2،0%-عا 6،3 ترلن تەڭگەگە دەيىن ۇلعايدى. دارا كاسىپكەرلەرگە بەرىلگەن كرەديتتەر ءبىر ايدا 5،6%-عا 2،9 ترلن تەڭگەگە دەيىن  ۇلعايدى (2025 جىلدىڭ باسىنان 26،3%-عا ءوسۋ).

سالالار بولىنىسىندە اعىمداعى جىلعى 8 ايدا كرەديتتەردىڭ ءوسۋى بارلىق سالالاردا دەرلىك: ونەركاسىپتە – 4،7 ترلن تەڭگەگە دەيىن 1،1%-عا، ساۋدادا – 3،9 ترلن تەڭگەگە دەيىن 3،4%-عا، اۋىل شارۋاشىلىعىندا – 526 ملرد تەڭگەگە دەيىن 5،0%-عا، قۇرىلىستا -  756 ملرد تەڭگەگە دەيىن 1،1%-عا، اقپارات جانە بايلانىس سالالارىندا - 193 ملرد تەڭگەگە دەيىن 1،5%-عا بايقالادى.

2025 جىلعى تامىزدا  بيزنەس سۋبەكتىلەرىنە 1،7 ترلن تەڭگە سوماعا جاڭا قارىزدار بەرىلدى. بۇل رەتتە، 2025 جىلعى 8 ايدا بۇل كورسەتكىش 12،1 ترلن تەڭگەنى قۇرادى، بۇل 2024 جىلدىڭ ۇقساس كەزەڭىمەن سالىستىرعاندا 8،8%-عا كوپ.

بيزنەس سۋبەكتىلەرىنە ۇلتتىق ۆاليۋتادا بەرىلگەن كرەديتتەر بويىنشا سىياقىنىڭ ورتاشا الىنعان مولشەرلەمەسى 2025 جىلعى تامىزدىڭ قورىتىندىسى بويىنشا 21،5%-دى قۇرادى. ءىرى بيزنەستىڭ تەڭگەمەن كرەديتتەرى بويىنشا سىياقىنىڭ ورتاشا الىنعان مولشەرلەمەسى 18،9%-دى، شوب سۋبەكتىلەرىنە – 19،0%-دى، دك – 31،3%-دى قۇرادى.

حالىققا بەرىلگەن كرەديتتەر ءبىر ايدا 3،1%-عا ۇلعايىپ، 22،7 ترلن تەڭگە قۇرادى (2025 جىلدىڭ باسىنان 14،7%-عا ءوسۋ). حالىققا بەرىلەتىن كرەديتتەر قۇرىلىمىندا تۇتىنۋشىلىق قارىزدار 2،1%-عا 16،0 ترلن تەڭگەگە دەيىن ءوستى.

يپوتەكالىق نەسيە نارىعى

يپوتەكالىق كرەديتتەر نارىقتىق تالاپتاردا بەرىلگەن يپوتەكالىق قارىزدار پورتفەلىنىڭ 3،8%-عا 2،1 ترلن تەڭگەگە دەيىن ۇلعايۋىنا بايلانىستى ءبىر اي ىشىندە 2،5%-عا 6،6 ترلن تەڭگەگە دەيىن ۇلعايدى (2025 جىلدىڭ باسىنان 9،0%-عا ءوسۋ).

2025 جىلعى تامىزدا حالىققا بەرىلگەن جاڭا قارىزدار 1،8 ترلن تەڭگەنى قۇرادى. بۇل رەتتە 2025 جىلدىڭ 8 ايىندا بۇل كورسەتكىش 12،9 ترلن تەڭگەنى قۇرادى، بۇل 2024 جىلدىڭ ۇقساس كەزەڭىمەن سالىستىرعاندا 13،1%- عا كوپ.

2025 جىلعى تامىزدا حالىققا ۇلتتىق ۆاليۋتادا بەرىلگەن كرەديتتەر بويىنشا سىياقىنىڭ ورتاشا الىنعان مولشەرلەمەسى 19،3%-دى قۇرادى. تەڭگەمەن يپوتەكالىق قارىزدار بويىنشا ورتاشا الىنعان سىياقى مولشەرلەمەسى 8،6%-دى، تۇتىنۋشىلىق قارىزدار بويىنشا 21،5%-دى قۇرادى.

جۇمىس ىستەمەيتىن نەسيەلەر نەمەسە ساپاسى ناشار نەسيەلەر

كرەديت پورتفەلىنىڭ ساپاسى جوعارى دەڭگەيدە ساقتالىپ وتىر. 2025 جىلعى 1 قىركۇيەكتەگى جاعداي بويىنشا بانك سەكتورى بويىنشا 90 كۇننەن استام مەرزىمى وتكەن بەرەشەگى بار قارىزدار (NPL90+) دەڭگەيى وتكەن اي دەڭگەيىندە ساقتالىپ، نەسيە پورتفەلىنىڭ 3،5%-ىن نەمەسە 1،4 ترلن تەڭگەنى قۇرادى.

بيزنەسكە بەرىلگەن كرەديتتەردە NPL90+ قارىزداردىڭ ۇلەسى 2،2%-دى نەمەسە 364 ملرد تەڭگەنى قۇرادى (01.01.2025ج. – 2،1% نەمەسە 304 ملرد تەڭگە). 2025 جىلعى تامىز ايىندا حالىقتىڭ كرەديتتەرى بويىنشا پروبلەمالىق بەرەشەكتىڭ ۇلەسى 4،5%-دى نەمەسە 1 071 ملرد تەڭگەنى قۇرادى (01.01.2025ج. – 3،8% نەمەسە 790 ملرد تەڭگە).

جۇمىس ىستەمەيتىن قارىزداردى پروۆيزيالارمەن وتەۋ جوعارى دەڭگەيدە ساقتالىپ وتىر جانە 65،4%-دى قۇرايدى (01.01.2025ج. – 67،0%).

بانك سەكتورىنىڭ مىندەتتەمەلەرى 2025 جىلعى تامىزدا نەگىزىنەن جەكە تۇلعالاردىڭ سالىمدارىنىڭ 0،8%-عا 26،1 ترلن تەڭگەگە دەيىن ءوسۋى جانە رەپو وپەراسيالارىنىڭ 22،5%-عا 2،5 ترلن تەڭگەگە دەيىن ءوسۋى ناتيجەسىندە 2،3%-عا 56،9 ترلن تەڭگەگە دەيىن (2025 جىلدىڭ باسىنان باستاپ 8،0%-عا ءوسۋ) ۇلعايدى.

دەپوزيت نارىعى

دەپوزيتتىك ۇيىمدارداعى رەزيدەنتتەردىڭ دەپوزيتتەرى 2025 جىلعى تامىزدا نەگىزىنەن ۇلتتىق ۆاليۋتاداعى دەپوزيتتەردىڭ 1،0%-عا 33،3 ترلن تەڭگەگە دەيىن ءوسۋى ناتيجەسىندە 1،0%-عا 42،8 ترلن تەڭگەگە دەيىن ۇلعايدى.

شەتەل ۆاليۋتاسىنداعى دەپوزيتتەر 0،8%-عا 9،5 ترلن تەڭگەگە دەيىن ءوستى. ناتيجەسىندە 2025 جىلعى 1 قىركۇيەكتەگى دوللارلاندىرۋ دەڭگەيى 22،2%-دى قۇرادى (01.01.2025ج. - 22،5%).

زاڭدى تۇلعالاردىڭ دەپوزيتتەرى نەگىزىنەن شەتەل ۆاليۋتاسىنداعى دەپوزيتتەردىڭ 2،1%-عا 5،1 ترلن تەڭگەگە دەيىن ءوسۋى ناتيجەسىندە 2025 جىلعى تامىزدا 0،8%-عا 18،7 ترلن تەڭگەگە دەيىن ۇلعايدى. ۇلتتىق ۆاليۋتاداعى دەپوزيتتەردىڭ 1،5%-عا 19،7 ترلن تەڭگەگە دەيىن ۇلعايۋىنا بايلانىستى جەكە تۇلعالاردىڭ دەپوزيتتەرى 1،1%-عا 24،1 ترلن تەڭگەگە دەيىن ءوستى.

بانكتىك ەمەس زاڭدى تۇلعالاردىڭ ۇلتتىق ۆاليۋتاداعى مەرزىمدى دەپوزيتتەرى بويىنشا سىياقىنىڭ ورتاشا الىنعان مولشەرلەمەسى 2025 جىلعى تامىزدا 15،4%-دى (01.01.2025ج. – 14،0%)، جەكە تۇلعالاردىڭ دەپوزيتتەرى بويىنشا – 14،3%-دى (01.01.2025ج. – 13،2%) قۇرادى.

بانكتەردىڭ مەنشىكتى كاپيتالى 2025 جىلعى تامىزدا نەگىزىنەن اعىمداعى جىلدىڭ بولىنبەگەن تازا پايداسىنىڭ ۇلعايۋى ناتيجەسىندە 3،1%-عا 9،8 ترلن تەڭگەگە دەيىن (2025 جىلدىڭ باسىنان باستاپ 10،1%-عا ءوسۋ) ۇلعايدى. 2025 جىلعى 1 قىركۇيەكتەگى جاعداي بويىنشا نەگىزگى كاپيتالدىڭ جەتكىلىكتىلىك كوەففيسيەنتى (ك1) 19،7%-دى (01.01.2025ج. – 20،4%)، مەنشىكتى كاپيتالدىڭ جەتكىلىكتىلىك كوەففيسيەنتى (ك2) – 21،1%-دى (01.01.2025ج. – 22،0%) قۇرادى، بۇل زاڭنامادا بەلگىلەنگەن نورماتيۆتەردەن ەداۋىر اسىپ تۇسەدى جانە بانك سەكتورىنداعى الەۋەتتى تاۋەكەلدەردى وتەۋدى قامتاماسىز ەتەدى.

2025 جىلعى قاڭتار-تامىزدا بانكتەردىڭ تازا پايداسى 1 864 ملرد تەڭگەنى قۇرادى، بۇل 2024 جىلدىڭ ۇقساس كەزەڭىمەن سالىستىرعاندا 14،7%-عا ارتىق. بانك اكتيۆتەرىنىڭ رەنتابەلدىلىگى (Rوا) 2025 جىلعى 1 قىركۇيەكتەگى جاعداي بويىنشا 4،5%-دى (01.08.2025ج. – 4،6%)، كاپيتالدىڭ رەنتابەلدىلىگى (ROE) – 30،8%-دى (01.08.2025ج. – 31،5%) قۇرادى.

ايتا كەتسەك، 2025 جىلعى 1 قىركۇيەكتەگى جاعداي بويىنشا قازاقستان رەسپۋبليكاسىنىڭ بانك سەكتورىندا 23 ەكىنشى دەڭگەيدەگى بانك بار، ونىڭ ىشىندە 15 بانك شەتەلدىك قاتىسۋمەن، ونىڭ ىشىندە 10 ەنشىلەس بانك.

بۇعان دەيىن باعالى قاعازدار نارىعى بويىنشا ستاتيستيكانى جاريالاعان بولاتىنبىز. 2025 جىلعى 1 قىركۇيەكتەگى جاعداي بويىنشا، اكسيالار نارىعىن كاپيتالداندىرۋ 39،6 ترلن تەڭگەنى قۇراپ (2025 جىلدىڭ باسىنان باستاپ 20،4%-عا ءوستى) تامىزدا 5،1%-عا ءوستى.