قازاقستاندا ينۆەستورلار قۇقىعىن قورعاۋعا ارنالعان ارنايى "پروكۋرورلىق سٷزگٸ" مەحانيزمٸ ەنگٸزٸلدٸ. بۇل تۋرالى بٷگٸن مەملەكەت باسشىسى شەتەلدٸك ينۆەستورلار كەڭەسٸنٸڭ 37-شٸ پلەنارلىق وتىرىسىندا ايتتى. بيىلدان باستاپ مەملەكەتتٸك ورگاندار باس پروكۋراتۋرانىڭ الدىن الا كەلٸسٸمٸنسٸز ينۆەستورلارعا قاتىستى تەكسەرۋ جٷرگٸزۋگە, ەكٸمشٸلٸك ٸس قوزعاۋعا, تالاپ ارىز بەرۋگە نەمەسە قانداي دا بٸر شەكتەۋ قويۋعا قۇقىلى ەمەس, دەپ حابارلايدى Dalanews.kz.
"بٸز ۇلتتىق تسيفرلىق ينۆەستيتسييالىق پلاتفورمانى ٸسكە قوستىق. ول ينۆەستيتسييالارعا قاتىستى مەملەكەتتٸك قىزمەتتەردٸ "بٸر تەرەزە" قاعيداتى بويىنشا بٸرٸكتٸرٸپ, كەڭەس بەرۋدەن باستاپ رۇقسات الۋعا دەيٸنگٸ بارلىق ٷدەرٸستٸ قامتيدى. بۇدان بٶلەك, ٸسكەرلٸك بەلسەندٸلٸكتٸ ىنتالاندىرۋ جەنە ەكونوميكاعا جەكە ينۆەستيتسييا تارتۋ ٷشٸن جاڭا سالىق كودەكسٸ سەنات قاراۋىنا ەنگٸزٸلدٸ. قۇجات جەرگٸلٸكتٸ ٶندٸرٸستٸ دامىتاتىن ينۆەستورلارعا ماقساتتى جەڭٸلدٸكتەر بەرۋدٸ جەنە قوسىلعان قۇنى جوعارى ٶنٸم ەكسپورتتاۋشىلاردى قولداۋدى قاراستىرادى", – دەدٸ پرەزيدەنت.
مەملەكەت باسشىسى ينۆەستورلارمەن ىقپالداستىقتىڭ پەرسپەكتيۆالى باعىتتارىنا, اتاپ ايتقاندا, قازاقستاننىڭ يندۋسترييالىق ەلەۋەتٸن دامىتۋ مەسەلەسٸنە توقتالدى.
"تاۋ-كەن سالاسى – ەلٸمٸزدٸڭ ٶڭدەۋ ٶنەركەسٸبٸنٸڭ نەگٸزگٸ تٸرەگٸ بولىپ قالا بەرەدٸ. قازاقستان تاۋ-كەن ٶنەركەسٸبٸ مەن مەتاللۋرگييانىڭ جاھاندىق ماڭىزىن تٷسٸنە وتىرىپ, ينۆەستورلارعا اشىق, جان-جاقتى زاڭناما ارقىلى تۇراقتى ەرٸ قولايلى يۋريسديكتسييا قالىپتاستىردى. جٷرگٸزٸلٸپ جاتقان رەفورمالاردىڭ نەتيجەسٸندە ەلٸمٸزدەگٸ گەولوگييالىق بارلاۋ جۇمىستارىنا ەلەمدٸك ٸرٸ ويىنشىلار – Rio Tinto, Fortescue, Ivanhoe, First Quantum جەنە Tech Resources كومپانييالارى كەلدٸ. جاڭا سالىق كودەكسٸندە شيكٸزاتتى ەل ٸشٸندە تەرەڭ ٶڭدەۋدٸ ىنتالاندىراتىن رويالتي تەرتٸبٸ قاراستىرىلادى. ەلٸمٸزدٸڭ باي مينەرالدى-شيكٸزاتتىق بازاسى, جەر قويناۋىن پايدالانۋداعى زاماناۋي زاڭناماسى مەن اشىق سالىق جٷيەسٸ جاھاندىق تٸزبەكتەگٸ ماڭىزدى مينەرالداردى جەتكٸزۋ بويىنشا ستراتەگييالىق ورنىمىزدى قامتاماسىز ەتەتٸنٸنە سەنٸمدٸمٸز", – دەدٸ پرەزيدەنت.
بۇعان دەيٸن مەملەكەت باسشىسى شەتەلدٸك ينۆەستورلار الدىندا بيىلعى بەس ايدا قازاقستان ەكونوميكاسى 6 پايىزعا ٶسكەنٸن ايتقان بولاتىن.
