«Qolda 3.0» ءۇشىنشى كەزەڭى ازاماتتىق قوعامنىڭ توتەنشە جاعدايلارعا ءتيىمدى دەن قويۋ جانە وتكىر الەۋمەتتىك ماسەلەلەردى شەشۋ الەۋەتىن جاقسارتۋعا كومەكتەسۋگە باعىتتالعان.
«Qolda 3.0» بايقاۋىنا قاتىسۋعا شىمكەنت پەن قازاقستاننىڭ 14 وبلىسىندا توتەنشە جاعدايلار كەزىندە حالىققا كومەك كورسەتەتىن، وتكىر الەۋمەتتىك ماسەلەلەردى شەشەتىن جانە ۆولونتەرلىك قىزمەتتى دامىتاتىن ۇكىمەتتىك ەمەس ۇيىمدار شاقىرىلادى.
ەلىمىزدىڭ ايماقتارىندا 2021 جىلدىڭ 15 شىلدەسىنەن 2022 جىلدىڭ 15 قاڭتارىنا دەيىنگى 6 ايلىق مەرزىمدى ىسكە اسىرىلاتىن 15 باستاماعا دەيىن قولداۋ جوسپارلانۋدا. گرانت جەكە جوباعا نەمەسە ۇەۇ-نىڭ اعىمداعى
قىزمەتىن قولداۋعا بولىنەدى.
بولىنگەن قاراجات كەلەسى جۇمىستارعا جۇمسالادى:
1. ءار ءتۇرلى زورلىق-زومبىلىقتىڭ، اسىرەسە ايەلدەر مەن بالالارعا قاتىستى زورلىق-زومبىلىقتىڭ الدىن-الۋ جانە پروفيلاكتيكاسى (گرانت مولشەرى 5 ملن. تەڭگەگە دەيىن)؛
2. ايماقتارداعى توتەنشە جاعدايلار كەزىندە حالىقتى اقپاراتتاندىرۋ مەن قولداۋدىڭ ۇزاق مەرزىمدى جانە ونلاين شەشىمدەرىن ازىرلەۋ، ايماقتىق ۇەۇ-نىڭ توتەنشە جاعدايلارعا دەن قويۋ قابىلەتىن ارتتىرۋ، ايماقتاردا
ۆولونتەرلىكتى دامىتۋ (گرانت مولشەرى 5 ملن. تەڭگەگە دەيىن)؛
3. ەكو-ۆولونتەرلىككە جانە ەكولوگيالىق تاربيەگە باعىتتالعان جوبالار (گرانت مولشەرى 4 ملن. تەڭگەگە دەيىن)؛
4. داعدىلار مەن جۇمىسقا ورنالاسۋ مۇمكىندىكتەرىن دامىتۋ جانە ميكرو جانە نانو بيزنەستى باستاۋ جوبالارى (گرانت مولشەرى 3 ملن. تەڭگەگە دەيىن)؛
5. وزەكتى الەۋمەتتىك ماسەلەلەردى شەشۋگە بايلانىستى ادۆوكاسي جوبالارىن قولداۋ (گرانت مولشەرى 4 ملن. تەڭگەگە دەيىن).
بايقاۋعا قاتىسۋ ءۇشىن https://qolda.org/ سايتىندا ءوتىنىم تولتىرۋ قاجەت.
ءوتىنىم جىبەرۋ مەرزىمى 2021 جىلدىڭ 4 شىلدەسى ساعات 23.00 دەيىن (نۇر-سۇلتان ق. ۋاقىتىمەن). ناتيجەلەر 2021 جىلدىڭ 15 شىلدەسىندا جاريالانادى.
سۇراعىڭىز بولسا مىنا ەلەكتروندىق پوشتالارعا جىبەرۋ قاجەت:
AzharN@ef-ca.org، Aliya@ef-ca.org، https://t.me/Qolda_project.
ەسكە سالا كەتەيىك، باعدارلامانىڭ ءبىرىنشى كەزەڭى 2020 جىلدىڭ 23 ساۋىرىندە باستالىپ، نۇر-سۇلتان مەن الماتى قالالارىن قامتىدى.
نەگىزگى ماقسات - حالىقتىڭ الەۋمەتتىك وسال توپتارىنا ازاماتتىق جانە ۆولونتەرلىك ۇيىمدارىنىڭ كومەگىن ۇيلەستىرۋ ارقىلى كارانتيندىك جانە توتەنشە جاعدايلاردىڭ حالىققا تەرىس اسەرىن ازايتۋ بولدى. باعدارلامانى جۇزەگە اسىرۋ بارىسىندا قازاق تىلىندە پاندەميا مەن كارانتين تۋرالى ساپالى مازمۇنداعى ماتەريالدار سانى ايتارلىقتاي ءوستى.
«QOLDA» باعدارلاماسىنىڭ ءبىرىنشى كەزەڭىنىڭ گرانتتارى (Qolda 1.0) نۇر-سۇلتان مەن الماتى قالالارىنان 11 ۇەۇ-عا، سونداي-اق 7 باق-قا بەرىلدى. 2020 جىلدىڭ 23 ءساۋىرى مەن 23 تامىزى ارالىعىندا 11 ۇەۇ 2000-عا جۋىق مۇقتاج وتباسىلارىنا كومەك كورسەتتى، شاعىن جانە ورتا بيزنەس وكىلدەرىنە 1400-دەن استام كونسۋلتاسيالار، 5 ديسپانسەرلىك ەمحانالارعا 2300 تۇسكى جانە كەشكى اس بەرىلدى.
2020 جىلدىڭ 9 قاراشاسىندا «QOLDA» شۇعىل كومەك باعدارلاماسىنىڭ ەكىنشى كەزەڭى (Qolda 2.0) باستالدى. قازاقستاننىڭ 8 وبلىسىنان 12 ۇەۇ گرانت الدى. ۇكىمەتتىك ەمەس ۇيىمدار قازاقستاننىڭ 14 ايماعىنداعى 27752
بەنەفيسيارلارعا قولداۋ كورسەتتى. 5 194 وتباسى گۋمانيتارلىق كومەك الدى، ونىڭ ىشىندە از قامتىلعان كوپ بالالى وتباسىلار، مۇگەدەك بالالارى بار وتباسىلار، كومەككە مۇقتاج ارداگەرلەر مەن تىل ەڭبەككەرلەرى، ۆيچ-پەن ءومىر سۇرەتىن ادامدار، ونكولوگيالىق ناۋقاستار، تولىق ەمەس نەمەسە كوپ بالالى وتباسىلارداعى بۇرىن سوتتالعان ازاماتتار.
ايەلدەر مەن بالالار – زورلىق زومبىلىق قۇرباندارى، وز-وزىنە قول جۇمساۋ ارەكەتىنە بارعان جاندار، سۋيسيدكە بەيىم ادامدار، مۇمكىندىگى بار بالالاردىڭ اتا-انالارى 1788 پسيحولوگيالىق تەراپياديان ءوتتى. 3 قوعامدىق ءوزارا كومەك قىزمەتتەرى قۇرىلدى.
ايتا كەتەلىك "Qolda" شۇعىل كومەك باعدارلاماسى ورتالىق ازيانىڭ ەۋرازيا قورى "شيەۆرون" كومپانياسىمەن سەرىكتەستىكتە جۇزەگە اسىپ وتىر.
