ەلٸمٸزدە كرەاتيۆتٸ يندۋسترييانى دامىتۋ قورى قۇرىلادى. قر مەدەنيەت جەنە اقپارات مينيسترٸ ايدا بالاەۆا ٷكٸمەت وتىرىسىندا ەلٸمٸزدە جەتەكشٸ شىعارماشىلىق جەنە بٸلٸم بەرۋ ۇيىمدارىنىڭ قاتىسۋىمەن كرەاتيۆتٸ يندۋسترييانى دامىتۋ قورىن قۇرۋ جوسپارلانىپ وتىرعانىن مەلٸمدەدٸ, - دەپ حابارلايدى Dalanews.kz.
مينيستر مەملەكەت باسشىسى 2021 جىلعى جولداۋىندا كرەاتيۆتٸ يندۋسترييانى قولداۋدىڭ ارنايى ينستيتۋتىن قۇرۋدى تاپسىرعانىن اتاپ ٶتتٸ. وسىلايشا, زاڭناماعا سەيكەس, كرەاتيۆتٸ يندۋسترييانى دامىتۋعا جەردەمدەسەتٸن زاڭدى تۇلعا – كرەاتيۆتٸ يندۋسترييالاردى دامىتۋ قورى بولادى.
قور قازاقستاننىڭ جەتەكشٸ شىعارماشىلىق جەنە بٸلٸم بەرۋ ۇيىمدارىنىڭ قاتىسۋىمەن قورپوراتيۆتٸك قور رەتٸندە قۇرىلادى جەنە نەگٸزگٸ 4 باعىت بويىنشا قىزمەتتٸ جٷزەگە اسىرادى:
- تالانتتاردى انىقتاۋ (كونكۋرستار, كرەاتوندار, موبيلدٸ پروديۋسەرلٸك ورتالىقتار ۇيىمداستىرۋ, ٶڭٸرلەردە تالانتتاردى ٸزدەۋ).
- جوبالاردى دامىتۋ (ستارتاپتاردى اكسەلەراتسييالاۋ جەنە ينكۋباتسييالاۋ, كوممەرتسييالاندىرۋ, ينۆەستيتسييا تارتۋ).
- ينفراقۇرىلىمدى دامىتۋ (حابتار جەلٸسٸن كەڭەيتۋ, تۇراقتى ارت-الاڭدار قۇرۋ, مەملەكەتتٸك مٷلٸككە قول جەتكٸزۋدٸ قامتاماسىز ەتۋ).
- ەكسپورتقا قولداۋ كٶرسەتۋ (شەتەلدٸك اۋديتوريياعا شىعۋ, ماركەتينگ جەنە PR, اۆتورلىق قۇقىقتى قورعاۋ).
«ەلٸمٸزدەگٸ كرەاتيۆتٸ يندۋسترييالاردى دامىتۋ قورىنىڭ بيۋدجەتٸ ۇلتتىق لوتەرەيا وپەراتورى قىزمەتٸنەن بٶلٸنەتٸن 3% اۋدارىم ەسەبٸنەن قالىپتاستىرىلادى. قور قىزمەتٸنٸڭ ماڭىزدى باعىتتارىنىڭ بٸرٸ – كرەاتيۆتٸ يندۋستريياداعى ۆەنچۋرلىق ينۆەستيتسييالاردى دامىتۋ. وسىعان بايلانىستى احقو بازاسىندا باسقارۋشى كومپانييالاردىڭ پۋلىن تارتا وتىرىپ, جەدەل جەنە قايتارىمدى نەگٸزدە اقشالاي قاراجاتتى تيٸمدٸ ورنالاستىرۋعا مٷمكٸندٸك بەرەتٸن ۆەنچۋرلىق بٶلٸمشە قۇرىلاتىن بولادى», - دەپ تولىقتىردى ايدا بالاەۆا.ايدا بالاەۆا جەرگٸلٸكتٸ اتقارۋشى ورگاندارعا كرەاتيۆتٸ يندۋسترييانى دامىتۋ بويىنشا زاڭنامالىق قۇزىرەت بەرٸلگەنٸن اتاپ ٶتتٸ. بۇل نورما ەل ٶڭٸرلەرٸندە كرەاتيۆتٸ حابتار قۇرۋ جەنە دامىتۋ ماقساتىندا قابىلداندى.
«بٷگٸنگٸ تاڭدا رەسپۋبليكا بويىنشا 12 كرەاتيۆتٸ حاب اشىلدى. الايدا, اقمولا, الماتى, جەتٸسۋ, ۇلىتاۋ, جامبىل, قاراعاندى, قوستاناي جەنە پاۆلودار وبلىستارىندا بۇل جۇمىس ەلٸ اياقتالعان جوق. كرەاتيۆتٸ حابتار – ٶڭٸرلەردەگٸ كرەاتيۆتٸ يندۋسترييانى دامىتۋدىڭ نەگٸزگٸ ينفراقۇرىلىمى بولۋعا تيٸس. ولار ٶڭٸرلٸك ەكوجٷيەنٸڭ ورتالىعىنا اينالىپ, تالانتتاردى تارتۋ جەنە ولارمەن جۇمىس ٸستەۋ بويىنشا ماڭىزدى رٶل اتقارادى», - دەپ اتاپ ٶتتٸ ايدا بالاەۆا.
