Elimizde kreativti indýstriiany damytý qory qurylady. QR mádeniet jáne aqparat ministri Aida Balaeva Úkimet otyrysynda elimizde jetekshi shyǵarmashylyq jáne bilim berý uiymdarynyń qatysýymen kreativti indýstriiany damytý qoryn qurý josparlanyp otyrǵanyn málimdedi, - dep habarlaidy Dalanews.kz.
Ministr Memleket basshysy 2021 jylǵy joldaýynda kreativti indýstriiany qoldaýdyń arnaiy institýtyn qurýdy tapsyrǵanyn atap ótti. Osylaisha, zańnamaǵa sáikes, kreativti indýstriiany damytýǵa járdemdesetin zańdy tulǵa – Kreativti indýstriialardy damytý qory bolady.
Qor Qazaqstannyń jetekshi shyǵarmashylyq jáne bilim berý uiymdarynyń qatysýymen qorporativtik qor retinde qurylady jáne negizgi 4 baǵyt boiynsha qyzmetti júzege asyrady:
- Talanttardy anyqtaý (konkýrstar, kreatondar, mobildi prodiýserlik ortalyqtar uiymdastyrý, óńirlerde talanttardy izdeý).
- Jobalardy damytý (startaptardy akseleratsiialaý jáne inkýbatsiialaý, kommertsiialandyrý, investitsiia tartý).
- Infraqurylymdy damytý (habtar jelisin keńeitý, turaqty art-alańdar qurý, memlekettik múlikke qol jetkizýdi qamtamasyz etý).
- Eksportqa qoldaý kórsetý (sheteldik aýditoriiaǵa shyǵý, marketing jáne PR, avtorlyq quqyqty qorǵaý).
«Elimizdegi Kreativti indýstriialardy damytý qorynyń biýdjeti ulttyq lotereia operatory qyzmetinen bólinetin 3% aýdarym esebinen qalyptastyrylady. Qor qyzmetiniń mańyzdy baǵyttarynyń biri – kreativti indýstriiadaǵy venchýrlyq investitsiialardy damytý. Osyǵan bailanysty AHQO bazasynda basqarýshy kompaniialardyń pýlyn tarta otyryp, jedel jáne qaitarymdy negizde aqshalai qarajatty tiimdi ornalastyrýǵa múmkindik beretin venchýrlyq bólimshe qurylatyn bolady», - dep tolyqtyrdy Aida Balaeva.Aida Balaeva jergilikti atqarýshy organdarǵa kreativti indýstriiany damytý boiynsha zańnamalyq quzyret berilgenin atap ótti. Bul norma el óńirlerinde kreativti habtar qurý jáne damytý maqsatynda qabyldandy.
«Búgingi tańda respýblika boiynsha 12 kreativti hab ashyldy. Alaida, Aqmola, Almaty, Jetisý, Ulytaý, Jambyl, Qaraǵandy, Qostanai jáne Pavlodar oblystarynda bul jumys áli aiaqtalǵan joq. Kreativti habtar – óńirlerdegi kreativti indýstriiany damytýdyń negizgi infraqurylymy bolýǵa tiis. Olar óńirlik ekojúieniń ortalyǵyna ainalyp, talanttardy tartý jáne olarmen jumys isteý boiynsha mańyzdy ról atqarady», - dep atap ótti Aida Balaeva.
