قازاقستانداعى جۇمىسسىزدىق دەڭگەيٸ بيىلعى جارتى جىلدىقتا 4,6 پايىز ماڭايىندا تۇراقتادى. ەڭبەك نارىعىنىڭ نەگٸزگٸ تٸرەگٸ – 7,1 ميلليون جالدامالى قىزمەتكەر. ال ٶزٸن-ٶزٸ جۇمىسپەن قامتىعاندار سانى – شامامەن 2,1 ميلليون. بۇل تۋرالى ٷكٸمەت وتىرىسىندا ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ اسقار بياحمەتوۆ مەلٸم ەتتٸ,دەپ حابارلايدى Dalanews.kz.
مينيسترلٸك ٶكٸلٸ ەڭبەك نارىعىنداعى نەگٸزگٸ بەتبۇرىستار مەن سىن-قاتەرلەرگە جەكە توقتالدى.
باستى ٷردٸستەر قاتارىندا تسيفرلاندىرۋدىڭ كەڭ ەتەك الۋى, ەلەكتروندى ساۋدانىڭ ارتۋى جەنە فريلانس سالاسىنىڭ دامۋى تۇر. بۇعان قوسا, ەلدەگٸ دەموگرافييالىق دٷمپۋ ەڭبەك نارىعىنا قىسىمدى كٷشەيتۋدە. ساراپشىلاردىڭ بولجامىنا سٷيەنسەك, 2035 جىلعا دەيٸن جىل سايىن ەڭبەك جاسىنداعى جاستار سانى 360 مىڭ ادامعا كٶبەيٸپ وتىرادى. مۇنىڭ بارلىعى جۇمىس ورىندارىنا سۇرانىستى ەسەلەپ ارتتىرادى.
بياحمەتوۆتىڭ ايتۋىنشا, باستى قيىندىق – ەڭبەك نارىعى مەن ەكونوميكا قاجەتتٸلٸگٸنٸڭ سەيكەس كەلمەۋٸ. كەيبٸر ماماندىقتار بٸرتٸندەپ سۇرانىستان شىعىپ, ٶزەكتٸلٸگٸن جوعالتىپ جاتىر. ەسەسٸنە IT-ماماندارى, درون وپەراتورلارى, جەكە تەلٸمگەرلەر سيياقتى جاڭا ماماندىق يەلەرٸنە دەگەن قاجەتتٸلٸك كٷرت ٶسكەن.
"ايماقتار اراسىندا دا ايقىن تەڭسٸزدٸك بار. ەلٸمٸزدٸڭ وڭتٷستٸگٸندە جۇمىس كٷشٸ ارتىعىمەن بولسا, سولتٷستٸكتە, كەرٸسٸنشە, مامان تاپشى. ٸشكٸ كٶشٸ-قون ەسەبٸنەن ٸرٸ قالالاردا ەڭبەك نارىعى شەكتەن تىس تولىپ, ەلەۋمەتتٸك, كوممۋنالدىق جەنە كٶلٸك ينفراقۇرىلىمىنا سالماق تٷسٸپ جاتىر. ال كەيبٸر ٶڭٸرلەردە ەكونوميكانىڭ ەرتاراپتانباۋى جۇمىسقا ورنالاسۋ مٷمكٸندٸگٸن تارىلتىپ وتىر", – دەدٸ ۆيتسە-مينيستر.
ول ەڭبەك نارىعىنداعى تاعى بٸر كٷردەلٸ مەسەلە رەتٸندە كٶلەڭكەلٸ جۇمىسپەن قامتۋ ٷلەسٸن اتادى.
قازاقستانداعى ەڭبەككە جارامدى ادامداردىڭ شامامەن 30 پايىزى زەينەتاقى جٷيەسٸنەن تىس قالىپ وتىر.
سونىمەن قاتار جەكەلەگەن سالالاردا ەڭبەك ستاندارتتارىنىڭ بولماۋى دا مەسەلەنٸ قيىنداتا تٷسەدٸ.
ساراپشىلاردىڭ ەسەبٸ بويىنشا, الداعى جىلدارى ەڭبەك نارىعىنا 3 ميلليونداي مامان قاجەت بولادى. بۇل كەسٸپتٸك ستاندارتتاردى قايتا قاراپ, بٸلٸم بەرۋ باعدارلامالارىن جاڭارتۋدى جەنە جۇمىسشىلاردى جاپپاي قايتا دايارلاۋدى تالاپ ەتەدٸ.
