بۇگىن استانادا پرەزيدەنتتىڭ قاتىسۋىمەن اۋىلدىق اكىمدەردىڭ العاشقى ديالوگ-پلاتفورماسى ءوتتى. ونداعى ەڭ جاس اكىم - ماڭعىستاۋلىق ساعىنجان تۇراقبايەۆ، دەپ حابارلايدى Dalanews.kz
InAktau.kz سايتىنىڭ مالىمەتىنشە، جيىنعا ماڭعىستاۋ وبلىسىنان 34 اۋىلدىق وكرۋگ اكىمى قاتىستى. ولاردىڭ اراسىندا - ەلىمىزدەگى ەڭ جاس اكىم سانالاتىن 27 جاستاعى ساعىنجان تۇراقبايەۆ تا بار. ول ماڭعىستاۋ اۋدانىنداعى شەبىر اۋىلدىق وكرۋگىن باسقارادى.
ساعىنجان تۇراقبايەۆ 2024 جىلعى ناۋرىز ايىندا اۋىل تۇرعىندارىنىڭ تىكەلەي داۋىس بەرۋى ارقىلى اكىم بولىپ سايلانعان. جاسىنا قاراماستان، ول وزىنە جۇكتەلگەن مىندەتتىڭ وتە جاۋاپتى ەكەنىن اتاپ ءوتتى.
«جاسسىڭ دەپ بوساڭسۋعا بولمايدى. ءار ءىستىڭ ءوز جاۋاپكەرشىلىگى بار. تۇرعىندار اۋىلدىڭ دامۋىن بىزگە سەنىپ تاپسىردى، سوندىقتان ءبىز ۇيلەسىمدى جۇمىس ىستەپ، ولاردىڭ ءۇمىتىن اقتاۋعا تىرىسامىز»، - دەدى ساعىنجان تۇراقبايەۆ.
