2024 جىلدىڭ 24 ساۋىرىندە «QazaqGeography» باستاماسىمەن ەلىمىزدە العاش رەت قازاقستاننىڭ العاشقى گەوگرافيالىق ديكتانتى ءوتتى. رەسپۋبليكالىق ءىس-شاراعا ءبىر ۋاقىتتا ەل بويىنشا ون ۇيىم قاتىستى.

اتالمىش شارانىڭ ماقساتى – گەوگرافيالىق ءبىلىمدى ناسيحاتتاۋ جانە ەلىمىزدىڭ تۇرعىندارى مەن قوناقتارى اراسىندا قازاقستان گەوگرافياسىن زەرتتەۋگە قىزىعۋشىلىقتى ارتتىرۋ.

گەوگرافيالىق ديكتانت قاتىسۋشىلاردىڭ ويلاۋ قابىلەتىن دامىتىپ، گەوگرافيالىق ءبىلىم بەرۋدى جۇيەلەيدى. سونىمەن قاتار، بۇل شاراعا قاتىسۋ - ءبىلىم بەرۋ مەكەمەلەرى مەن قوعامدىق ۇيىمداردىڭ ەلىمىزدەگى ءبىلىمى مەن مادەنيەتىن دامىتۋداعى بەلسەندى ءرولىن كورسەتەدى.

ديكتانت وففلاين فورماتىندا ءوتىپ، مۇندا ءاربىر قاتىسۋشى قازاق جانە ورىس تىلدەرىندە ەلىمىزدىڭ گەوگرافياسى بويىنشا ءبىلىمىن تەكسەرۋگە مۇمكىندىك الدى.

ديكتانت ءانونيمدى ءوتىپ، تىركەلۋ كەزىندە ءاربىر قاتىسۋشىعا ونىڭ ناتيجەسىن بىلۋگە بولاتىن بىرەگەي كود بەرىلدى. 2024 جىلدىڭ 26 ساۋىرىندە ناتيجەلەر «QazaqGeography» Instagram اككاۋنتىندا سايكەستەندىرۋ نومىرلەرى بويىنشا جاريالانادى. شارا سوڭىندا بارلىق قاتىسۋشىلارعا «QazaqGeography» سەرتيفيكاتتارى مەن جۋرنالدارى تابىس ەتىلدى.

شاراعا كەلەسى جوعارى وقۋ ورىندارى مەن گەوگرافيالىق ۇيىمدارى قاتىسىپ، گەوديكتانتتى وتكىزۋگە مۇمكىندىك بەرەتىن ايماقتىق الاڭعا اينالدى: ءال-فارابي اتىنداعى قازاق ۇلتتىق ۋنيۆەرسيتەتى، ل.گۋميليەۆ اتىنداعى ەۋرازيا ۇلتتىق ۋنيۆەرسيتەتى، ءا.مارعۇلان اتىنداعى پاۆلودار پەداگوگيكالىق ۋنيۆەرسيتەتى، ءاليحان بوكەيحان اتىنداعى ۋنيۆەرسيتەت، شاكارىم اتىنداعى سەمەي ۋنيۆەرسيتەتى، احمەت بايتۇرسىن ۇلى اتىنداعى قوستاناي وڭىرلىك ۋنيۆەرسيتەتى، ق.جۇبانوۆ اتىنداعى اقتوبە وڭىرلىك ۋنيۆەرسيتەتى، اكادەميك ە.ا. بوكەتوۆ اتىنداعى قاراعاندى ۋنيۆەرسيتەتى، پاۆلودار گەوگرافيا ءۇيى مەن «QazaqGeography» كەڭسەسى.

وسى ۋنيۆەرسيتەتتەر مەن ۇيىمداردىڭ اۋديتوريالارىندا قازاقستان گەوگرافياسى بويىنشا ءبىلىم جارىستىرۋ ءۇشىن بارلىق جاستاعى 100-دەن استام قاتىسۋشىلارى جينالدى.

«ءبىز قازاقستاننىڭ گەوگرافيالىق ديكتانتى يدەياسىنىڭ وسىنداي قىزىعۋشىلىققا يە بولعانىنا جانە ەلىمىزدىڭ گەوگرافياسىنا قۇمار ءتۇرلى جاستاعى ادامداردى بىرىكتىرگەنىنە قۋانىشتىمىز. ءبىزدىڭ ماقساتىمىز – گەوگرافياعا دەگەن قىزىعۋشىلىقتى ارتتىرىپ، ودان دا كوپ ازاماتتاردىڭ بىرەگەي مۇرامىزدى تانىپ، سۇيۋىنە مۇمكىندىك بەرۋ»، – دەدى «QazaqGeography» رقب باسقارما ءتورايىمى ايگەرىم مۇساعاجينوۆا.