ق ر عىلىم جانە جوعارى ءبىلىم ۆيسە-مينيسترى تالعات ەشەنقۇلوۆ 2025 جىلعى 20 مامىردا ۇكىمەت وتىرىسىندا جاساعان بايانداماسىندا 1 قىركۇيەكتەن باستاپ ستۋدەنتتەردىڭ شاكىرتاقىسىنىڭ كولەمى وسەتىنىن ايتتى، دەپ حابارلايدى Dalanews.kz.
ونىڭ ايتۋىنشا، شاكىرتاقى مولشەرى:
- باكالاۆرياتتاعىلار ءۇشىن 52 372 تەڭگە،
- ماگيستراتۋراداعىلار ءۇشىن 117 098 تەڭگە،
- دوكتورانتۋراعىلار ءۇشىن 262 500 تەڭگە بولىپ بەلگىلەنەدى.
ۆيسە-مينيستر ءتۇسىندىرىپ وتكەندەي، باكالاۆريات دەڭگەيىندەگى شاكىرتاقى مولشەرى 2020 جىلمەن سالىستىرعاندا ەكى ەسەگە، ال ماگيستراتۋرا مەن دوكتورانتۋرا دەڭگەيىندە 1،75 ەسەگە ۇلعايماق.
ونىڭ ايتۋىنشا، قازىرگى ۋاقىتتا رەسپۋبليكادا 122 جوعارى وقۋ ورنى، ونىڭ ىشىندە 10 زەرتتەۋ جوعارى وقۋ ورنى جانە 23 فيليال جۇمىس ىستەيدى. 2024-2025 وقۋ جىلىندا ازاماتتىق جوعارى وقۋ ورىندارىندا 680 مىڭنان استام ستۋدەنت وقيدى، ونىڭ ىشىندە 624،5 مىڭى باكالاۆرياتتا، 39،2 مىڭى ماگيستراتۋرادا، 7،6 مىڭى دوكتورانتۋرادا جانە 8،9 مىڭى رەزيدەنتۋرادا ءبىلىم الۋدا.
"ينفراقۇرىلىمدىق جوبالار بويىنشا جۇمىستار دا بەلسەندى جۇرگىزىلۋدە. بۇگىنگى تاڭدا جاتاقحانالارداعى ورىن تاپشىلىعى 2019 جىلعى 82 500-دەن 2024 جىلى 14 873 توسەك-ورىنعا دەيىن قىسقاردى. ەرەكشە ءبىلىم بەرۋ قاجەتتىلىگى بار بالالار ءۇشىن جاتاقحانالاردا ورىن بەرۋ جونىندەگى مەملەكەتتىك قىزمەت پرواكتيۆتى فورماتتا ۇسىنىلاتىنىن دا باسا ايتا كەتكىم كەلەدى"، - دەدى تالعات ەشەنقۇلوۆ.
