جەتٸسۋ وبلىسىندا قازاقستان ازاماتتىعىن ساقتاي وتىرىپ, ەلدەن تىس جەردە تۇرىپ كەلگەن ازاماتتىڭ توقتاتىلعان زەينەتاقى تٶلەمدەرٸ قايتا قالپىنا كەلتٸرٸلدٸ. وعان تٶلەنبەگەن كەزەڭ ٷشٸن 2,3 ملن تەڭگەدەن استام قاراجات ەسەپتەلدٸ, دەپ حابارلايدى dalanews.kz.
جەتٸسۋ وبلىسىنىڭ پروكۋراتۋراسى شەتەلگە كەتكەن, بٸراق قازاقستان ازاماتتىعىن ساقتاعان ازاماتتاردىڭ زەينەتاقى قۇقىقتارىن قورعاۋ بويىنشا جۇمىستار جٷرگٸزٸپ جاتىر.
وسى جۇمىس اياسىندا پروكۋراتۋرا كٶكسۋ اۋدانى تۇرعىنىنىڭ قۇقىقتارىن قالپىنا كەلتٸردٸ. ازاماتتىڭ قازاقستان ازاماتتىعىن ساقتاعانىنا قاراماستان, ەل اۋماعىنان تىس جەردە تۇرۋىنا بايلانىستى زەينەتاقى تٶلەمدەرٸ توقتاتىلعان.
قابىلدانعان شارالاردىڭ نەتيجەسٸندە زەينەتاقى تٶلەمدەرٸ 2023 جىلعى 1 شٸلدەدەن باستاپ قايتا باستالدى. ال تٶلەمدەر توقتاتىلعان كەزەڭ ٷشٸن ازاماتقا 2,3 ملن تەڭگەدەن استام قاراجات ەسەپتەلدٸ.
پروكۋراتۋرانىڭ مەلٸمەتٸنشە, بۇل شەشٸم قازاقستان رەسپۋبليكاسى كونستيتۋتسييالىق سوتىنىڭ №79 نورماتيۆتٸك قاۋلىسىندا كٶرسەتٸلگەن قۇقىقتىق ۇستانىمعا سەيكەس قابىلدانعان.
اتالعان قاۋلىعا سەيكەس, قازاقستان ازاماتى زاڭدا بەلگٸلەنگەن ٶزگە تالاپتاردى ورىنداعان جاعدايدا, مەملەكەتتٸك بازالىق زەينەتاقى جەنە جاسىنا بايلانىستى زەينەتاقى تٶلەمدەرٸن الۋ ٷشٸن قازاقستان اۋماعىندا تۇراقتى تۇرۋى مٸندەتتٸ ەمەس.
جەتٸسۋ وبلىسىنىڭ پروكۋراتۋراسى ازاماتتاردىڭ وسىنداي قۇقىقتارىنىڭ بۇزىلۋ فاكتٸلەرٸن انىقتاۋ جەنە ولاردى قالپىنا كەلتٸرۋ جۇمىستارىن جالعاستىراتىنىن اتاپ ٶتتٸ.
بۇل جۇمىس ازاماتتاردىڭ ەلەۋمەتتٸك قامسىزداندىرىلۋعا كونستيتۋتسييالىق قۇقىقتارىن قورعاۋعا جەنە زاڭ تالاپتارىنىڭ بٸركەلكٸ قولدانىلۋىن قامتاماسىز ەتۋگە باعىتتالعان.
