مەنىڭ ويىمشا، ماقالادا كوتەرىلگەن ۇلتىمىزدىڭ تاريحى مەن مادەنيەتىنە قاتىستى تىڭ ويلار مەن ناقتى ۇسىنىستار ەلىمىزدىڭ ءاربىر ازاماتتارىنا قايرات پەن جىگەر بەرىپ، بولاشاقتاعى جاڭا ىزدەنىستەر مەن جاڭا باستامالارعا جول اشتى.
بۇل ماقالا حالىقتى ەلەڭ ەتكىزگەن دۇنيەنىڭ ءبىرى بولدى. بۇعان دەيىنگى ەلىمىزدىڭ تاريحىنا سىڭىرگەن حالىقتاردىڭ ەرەن ەڭبەكتەرىن باسىپ ايتا وتىرىپ، بىزدەرگە تەرەڭ وي سالدى. مەنىڭ ەلباسى ماقالاسىن وقىپ رۋحىم كوتەرىلىپ قالدى. سەبەبى بۇل ماقالا تۇنىپ تۇرعان ويلار مەن تاريحي دەرەكتەر ەلىمىزدىڭ ەندىگى قادامىنىڭ نىق باسىلۋىنا ۇلكەن سەبەپكەر بولاتىنىنا مول سەنىممەن قارايمىن.
وسى جەتى كەرەمەتتىڭ ءبىزدىڭ تاريحتا اتالۋىنىڭ ءوزى قانشاما وتكەلدىڭ ناتيجەسى ەكەنىن ەندىگى ۇرپاق ءبىلىپ، تۇسىنەرى انىق. ەلباسىنىڭ ءاربىر ءسوزى بىزدەر ءۇشىن ماڭىزدى ءارى قۇندى. بۇل ماقالا كوپتەن بەرى كوكەيدە جۇرگەن قازاقتىڭ تاريحى، شىققان تەگى، جالپى قازاق حالقى كىم بولعان دەگەن سۇراققا ناقتى جاۋاپ بولدى. ءبىزدىڭ حالقىمىزدىڭ تاريحىنىڭ تامىرى تەرەڭدە جاتقانىنىڭ جانە وعان جەتە نازار اۋدارۋ كەرەكتىگىنە ناقتى توقتالىپ وتكەندىكتەن بۇل ماقالا- ءاربىر جاس ۇرپاقتى تاربيەلەۋدە سونداي-اق دۇرىس باعىت- باعدار بەرۋدە ماڭىزى زور دەپ بىلەمىن. مەن قازاقتىڭ ازاماتى رەتىندە "ۇلى دالانىڭ جەتى قىرى" ماقالاسىن وقي وتىرىپ كەۋدەمدى ءبىر ماقتانىش كەرنەدى.
شىنىمەن الەم حالىقتارى كوز تىككەن، قىزىعا قارايتىن دۇنيەلەردىڭ بارلىعى ءبىزدىڭ ۇلى دالامىزدا تۇنىپ تۇر ەكەن.ەلىمىزدىڭ وسى جەتى كەرەمەتىن باسقا ۇلت وكىلدەرىنە تانىتا الساق نۇر ۇستىنە نۇر بولارى انىق.
سول سەبەپتى رۋحاني جاڭعىرۋدا ءبىز ۇلتتىق بولمىسىمىزدى ۇمىتپاي الەمگە ءوزىمىزدى تانىتۋ جولىندا بىرلەسە جۇمىس جاساۋىمىز كەرەك.
ساعىنبەك اسىلبەكوۆ، تۇركىستان وبلىسى كاسىپوداقتار ۇيىمنىڭ جەتەكشىسى.
