ساياساتتانۋشى عازيز ەبٸشەۆ مۇناي باعاسىنىڭ قىمباتتاۋى قازاقستان ٷشٸن ەردايىم تيٸمدٸ بولا بەرمەيتٸنٸن ايتتى. ونىڭ پٸكٸرٸنشە, قارا التىن قۇنىنىڭ ٶسۋٸ قىسقا مەرزٸمدە بيۋدجەت كٸرٸسٸن ارتتىرعانىمەن, ۇزاق مەرزٸمدە ەل ەكونوميكاسىنا كەرٸ ەسەر ەتۋٸ مٷمكٸن, دەپ حابارلايدى Dalanews.kz.
“ەگەر مۇناي باعاسى ەلەمدٸك ەكونوميكانىڭ ٶسۋٸ مەن سۇرانىستىڭ ارتۋىنا بايلانىستى قىمباتتاسا, بۇل – تابيعي ەرٸ وڭ ٷردٸس. ال باعا سانكتسييالىق قىسىم, جاساندى تاپشىلىق نەمەسە جەتكٸزٸلٸمنٸڭ شەكتەلۋٸ سالدارىنان ٶسسە, ونىڭ سالدارى مٷلدە بٶلەك بولادى”, – دەيدٸ ول.
ساراپشىنىڭ سٶزٸنشە, قازٸرگٸ جاعدايداعى مۇناي باعاسىنىڭ كٷرت ٶسۋٸ قىسقا مەرزٸمدە مەملەكەتتٸك بيۋدجەتكە بەلگٸلٸ بٸر دەڭگەيدە پايدا ەكەلۋٸ مٷمكٸن.
“قازٸرگٸ ٶسٸم بيۋدجەتكە ۋاقىتشا تيٸمدٸ بولۋى مٷمكٸن. بٸراق ۇزاق مەرزٸمدە بۇل جالپى ەكونوميكاعا كەرٸ ەسەر ەتەدٸ. سەبەبٸ مۇنداي قىمباتتاۋ ەلەمدٸك ينفلياتسييانى كٷشەيتٸپ, ەكونوميكالىق باياۋلاۋعا الىپ كەلۋٸ مٷمكٸن”, – دەپ تٷيٸندەدٸ ساراپشى.
