Saiasattanýshy Ǵaziz Ábishev munai baǵasynyń qymbattaýy Qazaqstan úshin árdaiym tiimdi bola bermeitinin aitty. Onyń pikirinshe, qara altyn qunynyń ósýi qysqa merzimde biýdjet kirisin arttyrǵanymen, uzaq merzimde el ekonomikasyna keri áser etýi múmkin, dep habarlaidy Dalanews.kz.
“Eger munai baǵasy álemdik ekonomikanyń ósýi men suranystyń artýyna bailanysty qymbattasa, bul – tabiǵi ári oń úrdis. Al baǵa sanktsiialyq qysym, jasandy tapshylyq nemese jetkizilimniń shektelýi saldarynan ósse, onyń saldary múlde bólek bolady”, – deidi ol.
Sarapshynyń sózinshe, qazirgi jaǵdaidaǵy munai baǵasynyń kúrt ósýi qysqa merzimde memlekettik biýdjetke belgili bir deńgeide paida ákelýi múmkin.
“Qazirgi ósim biýdjetke ýaqytsha tiimdi bolýy múmkin. Biraq uzaq merzimde bul jalpy ekonomikaǵa keri áser etedi. Sebebi mundai qymbattaý álemdik infliatsiiany kúsheitip, ekonomikalyq baiaýlaýǵa alyp kelýi múmkin”, – dep túiindedi sarapshy.
