الماتى قالاسى، الاتاۋ اۋدانىندا ورنالاسقان №37 بوبەكجاي-بالاباقشاسى قىزمەتكەرلەرى اراسىندا ەكسترەميزم مەن تەرروريزم تاقىرىبىنا قاتىستى سالا ماماندارى ءدارىس وقىدى، – دەپ حابارلايدى Dalanews.kz.

بۇگىندە جاستاردىڭ جات اعىمداردىڭ شىلاۋىندا كەتىپ، ەكستريميستىك توپتاردىڭ قۇربانى بولۋ ءبىزدىڭ ەلدە عانا ەمەس، بۇكىل الەمنىڭ باس اۋرۋىنا اينالعان وزەكەتى ماسەلە دەسەك ارتىق ايتقاندىق بولماس ەدى. سوندىقتان ەل ىشىندە ەكسترەميزم مەن تەرروريزمگە قارسى ءتۇرلى دارىستەر مەن سەمينارلاردىڭ ءوتىپ تۇرۋى زاڭدىلىق.

سوڭعى جىلدارى الەمنىڭ تۇكپىر-تۇكپىرىندە ورىن الىپ جاتقان ءتۇرلى لاڭكەستىك وقيعالار مەن ەكسترەميستتىك توپتاردىڭ بەلسەندى ارەكەتىنەن كەيىن مۇنداي جايسىز وقيعالاردىڭ ورىن الاتىن قاۋىپسىزدىك شارالارى كۇشەيە تۇسكەنى بەلگىلى.

سوندىقتان دا تەرروريزم مەن ەكسترەميزمگە قارسى كۇرەس باعىتىندا قولعا الىنعان شارالار مەملەكەتتىك دەڭگەيدەگى قاۋىپسىزدىكتى قامتاماسىز ەتۋدىڭ ەڭ باستى ماسەلەلەرىنىڭ ءبىرى دەسەك بولادى.

وسى رەتتە الاتاۋ اۋدانىنداعى № 37 بوبەكجاي-بالاباقشاسىنىڭ مەڭگەرۋشىسى اينۇر باتىربەك قىزى الماتى قالاسى پوليسيا دەپارتامەنتىنىڭ ەكسترەميزم جانە تەرروريزمگە قارسى ءىس-قيمىل ءبولىمىنىڭ قىزمەتكەرى، اعا لەيتەنانتى بەكتۇر ابۋتاليپوۆپەن شاقىرىپ، بالاباقشا ۇجىمى قىزمەتكەرلەرى اراسىندا ەكسترەميزم مەن تەرروريزمگە ءدارىس وقۋىنا مۇمكىندىك تۋعىزدى. قاۋىسپىزدىك سالاسىنىڭ مامانى بالاباقشا قىزمەتكەرلەرىنىڭ سۇراقتارىنا جاۋاپ بەردى.



ءدارىس سوڭىندا بالاباقشا مەڭگەرۋشىسى اينۇر باتىربەك قىزى جانە  بەكتۇر باعدات ۇلى بالاباقشا قىزمەتكەرلەرىن ۇستازدار كۇنىمەن قۇتتىقتادى.