لۋلا دا سيلۆا زاڭسىز جولمەن تاپقان اقشاسىنا سان-پاۋلۋ شتاتىنداعى اتيبايا مۋنيسيپاليتەتىنەن ءۇي مەن جەر الىپ، جاقىندارىنىڭ اتىنا جازعىزعان.
برازيليانىڭ بۇرىنعى پرەزيدەنتى 17 جىلعا باس بوستاندىعىنان ايىرىلدى، دەپ حابارلايدى قازاقپارات Globo تەلەارناسىنا سىلتەمە جاساپ.
برازيليا ءتورتىنشى وكرۋگىنىڭ فەدەرالدىق وڭىرلىك سوتى سىبايلاس جەمقورلىق جانە اقشا جىمقىرۋ ءىسى بويىنشا سوتتالعان ەلدىڭ بۇرىنعى پرەزيدەنتى لۋيس يناسيۋ لۋلا دا سيلۆانىڭ اپەللياسياسىن كەرى قايتارىپ، ونىڭ تۇرمەگە جابىلۋ مەرزىمىن 17 جىل، ءبىر اي ون كۇنگە ۇزارتتى.
تەرگەۋ نۇسقاسى بويىنشا لۋلا دا سيلۆا زاڭسىز جولمەن تاپقان اقشاسىنا سان-پاۋلۋ شتاتىنداعى اتيبايا مۋنيسيپاليتەتىنەن ءۇي مەن جەر الىپ، جاقىندارىنىڭ اتىنا جازعىزعان.
لۋلا دا سيلۆا 2003-2011 جىلدار ارالىعىندا برازيليانى باسقاردى. 2016 جىلى ول Petrobras ءىسى بويىنشا ايىپتالىپ، 12 جىلعا باس بوستاندىعىنان ايىرىلعان. ءبىراق لۋلا دا سيلۆا اپەللياسيا قۇقىعىن پايدالانىپ، 2018 جىلدىڭ ساۋىرىنە دەيىن بوستاندىقتا ءجۇردى.
سيلۆا وزىنە تاعىلعان ايىپتاۋدىڭ بىردە-بىرى مويىنداعان جوق.
كەيىن سوت قاماۋدا ۇستاۋ مەرزىمىن سەگىز جىل ون ايعا قىسقارتىپ، ونى تۇرمەگە جاپتى. 9 قاراشادا ەكس-پرەزيدەنت بوستاندىققا شىعىپ، تاعى دا ساياساتپەن اينالىساتىنىن مالىمدەگەن بولاتىن.
