Lýla da Silva zańsyz jolmen tapqan aqshasyna San-Paýlý shtatyndaǵy Atibaia mýnitsipalitetinen úi men jer alyp, jaqyndarynyń atyna jazǵyzǵan.
Braziliianyń burynǵy prezidenti 17 jylǵa bas bostandyǵynan aiyryldy, dep habarlaidy QazAqparat Globo telearnasyna silteme jasap.
Braziliia tórtinshi okrýginiń federaldyq óńirlik soty sybailas jemqorlyq jáne aqsha jymqyrý isi boiynsha sottalǵan eldiń burynǵy prezidenti Lýis Inasiý Lýla da Silvanyń apelliatsiiasyn keri qaitaryp, onyń túrmege jabylý merzimin 17 jyl, bir ai on kúnge uzartty.
Tergeý nusqasy boiynsha Lýla da Silva zańsyz jolmen tapqan aqshasyna San-Paýlý shtatyndaǵy Atibaia mýnitsipalitetinen úi men jer alyp, jaqyndarynyń atyna jazǵyzǵan.
Lýla da Silva 2003-2011 jyldar aralyǵynda Braziliiany basqardy. 2016 jyly ol Petrobras isi boiynsha aiyptalyp, 12 jylǵa bas bostandyǵynan aiyrylǵan. Biraq Lýla da Silva apelliatsiia quqyǵyn paidalanyp, 2018 jyldyń sáýirine deiin bostandyqta júrdi.
Silva ózine taǵylǵan aiyptaýdyń birde-biri moiyndaǵan joq.
Keiin sot qamaýda ustaý merzimin segiz jyl on aiǵa qysqartyp, ony túrmege japty. 9 qarashada eks-prezident bostandyqqa shyǵyp, taǵy da saiasatpen ainalysatynyn málimdegen bolatyn.
