بۇرىنعى دەنساۋلىق ساقتاۋ ءمينيسترى اجار عينيات جاڭا قىزمەتكە تاعايىندالدى. ەندى ول ۇلتتىق بالالاردى وڭالتۋ ورتالىعىن باسقارادى، - دەپ حابارلايدى Dalanews.kz.
اجار عينياتتى دەنساۋلىق ساقتاۋ ءمينيسترى اقمارال ءالنازاروۆا "ۇلتتىق بالالاردى وڭالتۋ ورتالىعى" كەاق ۇجىمىنا تانىستىردى.
ايتا كەتەيىك، اجار عينيات اقتوبە مەملەكەتتىك مەديسينا ينستيتۋتىن "پەدياتريا" ماماندىعى بويىنشا، ش.ەسەنوۆ اتىنداعى اقتاۋ مەملەكەتتىك ۋنيۆەرسيتەتىن "مەملەكەتتىك جانە جەرگىلىكتى باسقارۋ مەنەدجەرى" ماماندىعى بويىنشا جانە الماتى مەنەدجمەنت ۋنيۆەرسيتەتى "مۆا ىسكەرلىك اكىمشىلەندىرۋ ماگيسترى" ماماندىعى بويىنشا ءتامامداعان.
ەڭبەك جولىن 1993 جىلى اتىراۋ قالاسىنىڭ №2 قالالىق ەمحاناسىندا ۋچاسكەلىك پەدياتر بولىپ باستاعان.
1994 - 1999 جىلدارى - اقتاۋ قالاسىنىڭ №1 مەديسينالىق سانيتارلىق ءبولىمىنىڭ مەڭگەرۋشىسى.
1999-2001 جىلدارى - ماڭعىستاۋ جۇقپالى اۋرۋلار اۋرۋحاناسىنىڭ باس دارىگەرىنىڭ ەمدەۋ ءىسى جونىندەگى ورىنباسارى.
2001-2005 جىلدارى - ماڭعىستاۋ وبلىسىنىڭ دەنساۋلىق ساقتاۋ باسقارماسى باسشىسىنىڭ ورىنباسارى.
2005-2006 جىلدارى - ماڭعىستاۋ وبلىسى دەنساۋلىق ساقتاۋ دەپارتامەنتىنىڭ ديرەكتورى.
2008-2017 جىلدارى - ق ر دەنساۋلىق ساقتاۋ مينيسترلىگىنىڭ باسقارما باسشىسى، دەپارتامەنت ديرەكتورى.
2017-2020 جىلدارى - ق ر پرەزيدەنتى ءىس باسقارماسىنىڭ مەديسينالىق ورتالىعى باسشىسىنىڭ ورىنباسارى
2020-2022 جىلدارى-قر دەنساۋلىق ساقتاۋ ۆيسە-مينيسترى.
2022-2024 جىلدارى-قر دەنساۋلىق ساقتاۋ ءمينيسترى قىزمەتىن اتقاردى.
سونداي-اق، بۇعان دەيىن دەنساۋلىق ساقتاۋ ءمينيسترى اقمارال ءالنازاروۆا اجار عانياتتىڭ ەندىگى قىزمەتىنە بايلانىستى پىكىر ءبىلدىردى.
"ءبىز مىقتى كادرلاردان قول ۇزگىمىز كەلمەيدى. اجار عانيات قىزىنىڭ دەنساۋلىق ساقتاۋ جۇيەسىنىڭ اكىمشىلىك قىزمەتىندە ۇلكەن تاجىريبەسى بار. سوندىقتان ونىڭ ءجۇرىپ وتكەن جولىن الداعى ۋاقىتتا مىندەتتى تۇردە قولدانامىز. جاقىن كۇندەرى اجار عينيات قىزىنىڭ قاي سالاعا كەلەتىنىن بىلەسىزدەر. ناقتى ۇستانىمى ءالى بەلگىسىز. ءبىراق بۇل دەنساۋلىق ساقتاۋ جۇيەسى بولاتىنى ءسوزسىز. بىزگە ونىڭ تاجىريبەسى قاجەت. ءقازىر ول دەمالىپ جاتىر. ءبىز ونىمەن كۇندە حابارلاسىپ تۇرامىز"، - دەپ جاۋاپ بەردى ءالنازاروۆا.
