Burynǵy densaýlyq saqtaý ministri Ajar Ǵiniiat jańa qyzmetke taǵaiyndaldy. Endi ol Ulttyq balalardy ońaltý ortalyǵyn basqarady, - dep habarlaidy Dalanews.kz.
Ajar Ǵiniiatty densaýlyq saqtaý ministri Aqmaral Álnazarova "Ulttyq balalardy ońaltý ortalyǵy" KEAQ ujymyna tanystyrdy.
Aita keteiik, Ajar Ǵiniiat Aqtóbe memlekettik meditsina institýtyn "Pediatriia" mamandyǵy boiynsha, Sh.Esenov atyndaǵy Aqtaý memlekettik ýniversitetin "Memlekettik jáne jergilikti basqarý menedjeri" mamandyǵy boiynsha jáne Almaty menedjment ýniversiteti "MVA iskerlik ákimshilendirý magistri" mamandyǵy boiynsha támamdaǵan.
Eńbek jolyn 1993 jyly Atyraý qalasynyń №2 qalalyq emhanasynda ýchaskelik pediatr bolyp bastaǵan.
1994 - 1999 jyldary - Aqtaý qalasynyń №1 Meditsinalyq sanitarlyq bóliminiń meńgerýshisi.
1999-2001 jyldary - Mańǵystaý juqpaly aýrýlar aýrýhanasynyń bas dárigeriniń emdeý isi jónindegi orynbasary.
2001-2005 jyldary - Mańǵystaý oblysynyń Densaýlyq saqtaý basqarmasy basshysynyń orynbasary.
2005-2006 jyldary - Mańǵystaý oblysy densaýlyq saqtaý departamentiniń direktory.
2008-2017 jyldary - QR Densaýlyq saqtaý ministrliginiń basqarma basshysy, departament direktory.
2017-2020 jyldary - QR Prezidenti Is Basqarmasynyń Meditsinalyq ortalyǵy basshysynyń orynbasary
2020-2022 jyldary-QR Densaýlyq saqtaý vitse-ministri.
2022-2024 jyldary-QR Densaýlyq saqtaý ministri qyzmetin atqardy.
Sondai-aq, buǵan deiin densaýlyq saqtaý ministri Aqmaral Álnazarova Ajar Ǵaniiattyń endigi qyzmetine bailanysty pikir bildirdi.
"Biz myqty kadrlardan qol úzgimiz kelmeidi. Ajar Ǵaniiatqyzynyń densaýlyq saqtaý júiesiniń ákimshilik qyzmetinde úlken tájiribesi bar. Sondyqtan onyń júrip ótken jolyn aldaǵy ýaqytta mindetti túrde qoldanamyz. Jaqyn kúnderi Ajar Ǵiniiatqyzynyń qai salaǵa keletinin bilesizder. Naqty ustanymy áli belgisiz. Biraq bul densaýlyq saqtaý júiesi bolatyny sózsiz. Bizge onyń tájiribesi qajet. Qazir ol demalyp jatyr. Biz onymen kúnde habarlasyp turamyz", - dep jaýap berdi Álnazarova.
