جەكە دەمالىس ايماعىندا وتكەن جيىنعا وبلىستىق مادەنيەت جانە تۋريزم باسقارماسىنىڭ باسشىسى ءازىمحان قويلىبايەۆ قاتىستى.
– ءبىز بۇگىن ەلىمىز بويىنشا ەڭ كونە قورىقتاردىڭ ءبىرى، قۇرىلعانىنا 97 جىل تولعان «اقسۋ-جاباعىلى» قورىعىندا جۇزدەسىپ وتىرمىز. ەكوتۋريزمدى دامىتۋ ءۇشىن ەڭ الدىمەن تابيعات جاناشىرلارىن تاربيەلەۋىمىز كەرەك. بۇگىن جينالعان ازاماتتاردىڭ ءبىرشاماسى ءتۇرلى سەنبىلىكتەرگە بەلسەنە قاتىسۋشىلار. قورشاعان ورتامىزدى قادىرلەۋ، تازالىقتى ۇستانۋ – ۇلگى ارەكەت ەكەنىن ۇعىندىرعىمىز كەلەدى. سونداي-اق مادەني جانە سپورتتىق سايىستاردى وتكىزۋدىڭ ەرەكشەلىگىن كورسەتۋ ماڭىزدى. ەكوتۋريزم باعىتىندا بىلتىر ءبىر جىلدا 74 مىڭ تۋريست كەلگەن بولسا، بيىل 7 ايدا 101 مىڭ ادام تۇركىستان ءوڭىرىنىڭ تابيعي پاركتەرى مەن قورىقتارىندا بولعان. ەندىگى كەزەكتە تەك وبلىستىق ەمەس، رەسپۋبليكالىق جانە حالىقارالىق دەڭگەيدە وتكىزۋدى قولعا الۋ كوزدەلۋدە، – دەدى ءازىمحان سەرىك ۇلى.
شاراعا وبلىستىڭ بەلسەندى جاستارى، قوعامنىڭ ءتۇرلى وكىلدەرى، الەۋمەتتىك جەلىدە جاريالانعان حابارلاندىرۋ ارقىلى تىركەلگەن ازاماتتار، ب ا ق وكىلدەرى جالپى 150-گە جۋىق ادام قاتىستى.
باعدارلاماعا سايكەس اۋەلى 30 ادامنان توپتالىپ، «اقسۋ-جاباعىلى» قورىعى مۋزەيىندە تابيعات الەمىمەن، قورىقتا وسەتىن وسىمدىكتەر جانە تىرشىلىك ەتەتىن جان-جانۋارلارمەن تانىستى. ودان كەيىن ءىس-شارانىڭ اشىلۋ سالتاناتى ءوتتى. الدىمەن «قىزىل اي» قوعامدىق ۇيىمى العاشقى مەديسينالىق كومەك پەن قاۋىپسىزدىك ەرەجەلەرىن ءتۇسىندىردى.
كەزەكتى شەبەرلىك ساعاتىندا ەكسترەمالدى سپورت تۇرلەرى تانىستىرىلىپ، تاقىرىپ تاۋدا نەمەسە جازىق دالادا ۆەلوسپورت (Mountain bike)، جۇگىرۋمەن اينالىسۋدىڭ (Trail run) ەرەكشەلىگىنە ارنالدى. سونان سوڭ يوگا جاتتىقتىرۋشىسى بايسالدى سپورتتىڭ ادىس-تاسىلدەردىن كورسەتتى. ال، Art تەراپيا ماستەر-كلاسسىندا سەزىمدەردى سۋرەت ارقىلى اشۋعا جانە ادامداردى ونەر ارقىلى ەمدەۋگە كومەكتەسەتىنى، ەموسيونالدى دامۋ قۇرالى رەتىندە پسيحولوگيادا قولدانىلاتىنى جايلى ايتىلدى.
ءارى قاراي قاتىسۋشىلار ءبىر ۋاقىتتا وزدەرى قالاعان شەبەرلىك ساعاتىنا قاتىستى. يميدج قالىپتاستىرۋ ايدارىندا تۇركىستان وبلىسىنىڭ تابيعي قورىقتارى مەن پاركتەرى، تاريحي ورىندارىنىڭ اتاۋلارى جازىلعان ۇياشىقتاردى بەلگىلەدى. ماستەر-كلاسستاردى ارنايى بىلىكتى، تاجىريبەلى ماماندار جۇرگىزدى.
باعدارلاما تيمبيلدينگپەن قورىتىندىلاندى. وندا 10-عا جۋىق كوماندالىق ويىن ۇيىمداستىرىلىپ، وتە تارتىستى ءوتتى. قىزىقتى سايىستىڭ ناتيجەسىندە جەڭىمپاز كوماندالار انىقتالىپ، ماراپاتتالدى. «Open Turkistan» تۋريستىك جانە اقپاراتتىق ورتالىعى ج ش س باس ديرەكتورى سەرىك ساندىبايەۆ ديپلومدار مەن كۋبوكتاردى تابىستادى.
