Jeke demalys aimaǵynda ótken jiynǵa oblystyq mádeniet jáne týrizm basqarmasynyń basshysy Ázimhan Qoilybaev qatysty.
– Biz búgin elimiz boiynsha eń kóne qoryqtardyń biri, qurylǵanyna 97 jyl tolǵan «Aqsý-Jabaǵyly» qoryǵynda júzdesip otyrmyz. Ekotýrizmdi damytý úshin eń aldymen tabiǵat janashyrlaryn tárbieleýimiz kerek. Búgin jinalǵan azamattardyń birshamasy túrli senbilikterge belsene qatysýshylar. Qorshaǵan ortamyzdy qadirleý, tazalyqty ustaný – úlgi áreket ekenin uǵyndyrǵymyz keledi. Sondai-aq mádeni jáne sporttyq saiystardy ótkizýdiń ereksheligin kórsetý mańyzdy. Ekotýrizm baǵytynda byltyr bir jylda 74 myń týrist kelgen bolsa, biyl 7 aida 101 myń adam Túrkistan óńiriniń tabiǵi parkteri men qoryqtarynda bolǵan. Endigi kezekte tek oblystyq emes, respýblikalyq jáne halyqaralyq deńgeide ótkizýdi qolǵa alý kózdelýde, – dedi Ázimhan Serikuly.
Baǵdarlamaǵa sáikes áýeli 30 adamnan toptalyp, «Aqsý-Jabaǵyly» qoryǵy mýzeiinde tabiǵat álemimen, qoryqta ósetin ósimdikter jáne tirshilik etetin jan-janýarlarmen tanysty. Odan keiin is-sharanyń ashylý saltanaty ótti. Aldymen «Qyzyl ai» qoǵamdyq uiymy alǵashqy meditsinalyq kómek pen qaýipsizdik erejelerin túsindirdi.
Kezekti sheberlik saǵatynda ekstremaldy sport túrleri tanystyrylyp, taqyryp taýda nemese jazyq dalada velosport (Mountain bike), júgirýmen ainalysýdyń (Trail run) ereksheligine arnaldy. Sonan soń ioga jattyqtyrýshysy baisaldy sporttyń ádis-tásilderdin kórsetti. Al, Art terapiia master-klassynda sezimderdi sýret arqyly ashýǵa jáne adamdardy óner arqyly emdeýge kómektesetini, emotsionaldy damý quraly retinde psihologiiada qoldanylatyny jaily aityldy.
Baǵdarlama timbildingpen qorytyndylandy. Onda 10-ǵa jýyq komandalyq oiyn uiymdastyrylyp, óte tartysty ótti. Qyzyqty saiystyń nátijesinde jeńimpaz komandalar anyqtalyp, marapattaldy. «Open Turkistan» týristik jáne aqparattyq ortalyǵy JShS bas direktory Serik Sandybaev diplomdar men kýboktardy tabystady.
