سوڭعى ايدا جٷرگٸزۋشٸلەرگە ايىپپۇلدار بۇرقىراپ كەلە باستادى. ونىڭ ٷستٸنە جەلٸدەگٸ اناۋ بٸر ۆيدەو تاعى بار. "ايىپپۇلدى اياماي سالىڭدار" دەگەن ەمٸر. ەكونوميست-مامان عالىمجان ايتقازين "ەكٸمشٸلٸك ايىپپۇلدار" ەسەبٸنەن وسىلاي ەلدٸڭ بيۋدجەت تاپشىلىعى مەسەلەسٸن شەشۋگە ات سالىسۋعا تىرىسىپ جاتقان ٸشكٸ ٸستەر مينيسترلٸگٸنٸڭ ٶلەرمەن ەرەكەتٸن باعالاپ كٶرٸپ, ٶتە قىزىق تسيفرلاردى العا تارتادى. سٶيتٸپ قۇزىرلى ۆەدومستۆوعا "اناۋ ايتقانداي" تىنىمدى جۇمىس اتقارىپ جاتپاعاندارىن دەلەلدەپ بەرەدٸ, دەپ جازادى Dalanews.kz.
"اسىرا سٸلتەۋدٸڭ كەرەگٸ جوق, ەرينە بۇل ارادا. "شترافستان" دەپ الاۋلاتىپ-جالاۋلاتىپ. راس, ەكٸمشٸلٸك ايىپپۇل قۇقىقبۇزۋشىنى, ناقتىراق ايتقاندا جٷرگٸزۋشٸلەردٸ تەرتٸپتەۋدە ٶزٸن اقتايتىن شارا. قازاقستاندا جول قوزعالىسى ەرەجەلەرٸن بۇزۋ جەنە ٶلٸممەن اياقتالعان اپاتتار سانى ٶتە جوعارى. بٸراق, كەز-كەلگەن قۇقىقبۇزۋشىلىق بويىنشا ايىپپۇلدار بازاسىن قۇرىپ, ونى ويلارىنا كەلگەن ۋاقىتىندا سٷزۋ جاعدايى قوعامدا ٸشكٸ ٸستەر مينيسترلٸگٸنٸڭ جۇمىسىنا قاتىستى ٶتە جاعىمسىز پٸكٸرلەر تۋدىراۋدا", دەپ جازادى Tengenomika Telegram ارناسىنىڭ اۆتورى.
سٶيتٸپ بٸرەر مىسال كەلتٸرٸلەدٸ. 2024 جىلدىڭ قاڭتار-قازان ايلارىندا, مەملەكەتتٸك بيۋدجەت دەرەكتەرٸ بويىنشا, جەرگٸلٸكتٸ بيۋدجەتتەن قارجىلاندىرىلاتىن وبلىستاردىڭ, رەسپۋبليكالىق ماڭىزى بار قالانىڭ, استانانىڭ ٸشكٸ ٸستەر دەپارتامەنتتەرٸ, ولاردىڭ اۋماقتىق بٶلٸمشەلەرٸ سالاتىن ەكٸمشٸلٸك ايىپپۇلدار, ٶسٸمپۇلدار, سانكتسييالار, ٶندٸرٸپ الۋلار بابى بويىنشا ەل قازىناسىنا 110,1 ملرد تەڭگە كٸرٸس تٷسكەن. بۇل وسى كەزەڭ جوسپارىنىڭ 139%-ىن جەنە جىلدىق جوسپاردىڭ 114,2%-ىن قۇرايدى. وسى باپ بويىنشا اعىمداعى سالىقتىق ەمەس تٷسٸمدەر ٶتكەن جىلدىڭ ۇقساس كٶرسەتكٸشٸنەن قاراعاندا 76,6 ملرد تەڭگەگە, ياعني 43,7%-عا جوعارى. ايتقانداي, ٶز كەزەڭٸ بويىنشا 139%-عا جەنە جىلدىق جوسپاردا 113,7%-عا ارتىق ورىندالعان. يە, بۇل تسيفرلار "شاش ال دەسە, باس الادى" دەگەننٸڭ كەرٸن تانىتىپ وتىرعانداي. اتقارۋشىلىق مٸندەت قالتقىسىز ەرٸ اسىرا ورىندالعان. ال بۇدان, شىنىمەن دە مەملەكەتتٸك بيۋدجەتكە كەلەتٸن پايدا بار ما?.. بۇل رەتتە مامان:
"جالپى العاندا, ٸٸم تاراپىنان سالىناتىن ايىپپۇلداردىڭ بيۋدجەت تابىسىنا فيسكالدىق ەسەرٸ ونشا ەمەس: مەملەكەتتٸك بيۋدجەتتٸڭ بارلىق سالىقتىق ەمەس تٷسٸمدەرٸنٸڭ 8,5% جەنە مەملەكەتتٸك بيۋدجەتتٸڭ بارلىق كٸرٸستەرٸنٸڭ 0,5% بولادى. سوندىقتان, مۇنداي ەلەۋسٸز فيسكالدىق قۇرالدىڭ ەسەبٸنەن بيۋدجەت پروبلەمالارىن شەشۋگە تىرىسۋدان ايتارلىقتاي پايدا دا جوق, ەندەشە مەملەكەتتٸك ورگان نە ٷشٸن ٶز يميدجٸن پيدا ەتٸپ, وسىنداي جانكەشتٸلٸككە بارۋى تيٸس دەيمٸن دە" دەپ ايران-اسىر.
