ماڭعىستاۋدا "مۇنايعا بىلعانعان" قۇس ۆيدەوعا ءتۇسىپ قالدى، – دەپ حابارلايدى Dalanews.kz Lada.kz-كە سىلتەپ.
21 مامىردا الەۋمەتتىك جەلىلەردە "مۇنايعا بىلعانعان" قۇستىڭ ۆيدەوسى تارادى.
جازبادا قۇس جاڭاوزەندەگى مۇناي كەن ورىندارىنىڭ بىرىندە تۇسىرىلگەنى كورسەتىلگەن. كادردا جۇمىسشىنىڭ قۇستى شۇبەرەكپەن تازارتىپ جاتقانى كورىنەدى.
قازاقستان رەسپۋبليكاسى ەكولوگيا جانە تابيعي رەسۋرستار مينيسترلىگى جانىنداعى قوعامدىق كەڭەستىڭ مۇشەسى، ECOJER قاۋىمداستىعىنىڭ وڭىرلىك ەكولوگيالىق كەڭەسىنىڭ ءتوراعاسى ادىلبەك قوزىباقوۆ ۆيدەونى كورىپ، قۇستىڭ ۇلكەن كولبۇقا نەمەسە سارى قۇتانعا ۇقسايتىنىن ايتتى.
"قۇس مازۋتقا نەمەسە مۇنايعا قاتتى بىلعانعاندىقتان ناقتى ءتۇرىن انىقتاۋ قيىن"، – دەدى ول.
باسىلىم بۇل وقيعاعا بايلانىستى ماڭعىستاۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنا رەسمي ساۋال جولداعان.
