ەكىباستۇزدا پىشاق جاراقاتىنان زارداپ شەككەن ايەلدىڭ جاعدايى بەلگىلى بولدى، دەپ حابارلايدى Dalanews.kz.
ناۋقاس جانساقتاۋ بولىمىنەن تراۆماتولوگيا بولىمىنە اۋىستىرىلعان. ول 9 قاڭتاردا پىشاق جاراقاتتارىمەن ەكىباستۇز قالالىق اۋرۋحاناسىنا جەتكىزىلىپ، شۇعىل تۇردە جانساقتاۋ بولىمىنە جاتقىزىلعان ەدى.
"وعان تولىق مەديسينالىق كومەك كورسەتىلدى. 11 قاڭتارداعى جاعداي بويىنشا ناۋقاستىڭ جاعدايى تۇراقتى، ەسىن جيدى، وزدىگىنەن تىنىس الىپ جاتىر"، - دەدى دارىگەرلەر.
ەسكە سالايىق، بۇعان دەيىن ەكىباستۇزدا تۇرمىستىق جانجال ولىممەن اياقتالعانى حابارلاندى.
