– بيىل اۋداندا «جۇمىسپەن قامتۋدىڭ 2020-2021 جىلدارعا ارنالعان جول كارتاسى» باعدارلاماسى شەڭبەرىندە 190 جاڭا جۇمىس ورنىن اشىپ، اۋداندىق حالىقتى جۇمىسپەن قامتۋ ورتالىعى ارقىلى 95 ادامدى جۇمىسقا ورنالاستىرۋ جوسپارلانعان. بۇگىندە 202 جۇمىس ورنى اشىلىپ، جەرگىلىكتى جۇمىسسىزدار قاتارىنان 107 ادام ەڭبەككە تارتىلدى، – دەدى قايرات نۇرتايەۆ.
بۇدان بولەك، اۋدان اكىمى قوعامدىق جۇمىس ورىندارىنا مىڭنان اسا قۇرمانعازىلىقتىڭ جۇمىسقا ورنالاسقانىن اتاپ ءوتتى.
«ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى ءۇش باعىتى بويىنشا جۇرگىزىلەدى. بيىل اۋدانىمىزدا اتالعان باعدارلامانىڭ ءبىرىنشى باعىتى بويىنشا 60 ادام كاسىپتىك وقۋعا جىبەرىلدى. ەكىنشى باعىت بويىنشا 56 ادامعا كاسىپ اشۋ ءۇشىن نەسيە بەرىلىپ، 100 ادامعا گرانت تاعايىندالدى. ال ءۇشىنشى باعىتا 35 ادام الەۋمەتتىك جۇمىس ورنىنا ورنالاستىرىلىپ، 128 جاس جاستار تاجىربيەسىنە جولداندى. سونىمەن قاتار، 1 223 ادام قوعامدىق جۇمىس ورىندارىنا جىبەرىلدى» دەدى قۇرمانعازى اۋدانىنىڭ اكىمى.
