قازاقستان, ۋكراينا جەنە چەحييا پوليتسيياسى ينتەرنەت الاياقتىققا قاتىسى بار ەكٸ ترانسۇلتتىق قىلمىستىق توپتى قۇرىقتادى, – دەپ حابارلايدى Dalanews.kz.
كيبەرقىلمىسقا قارسى ٸس-قيمىل شەڭبەرٸندە ٸٸم قىزمەتكەرلەرٸ جەدەل ٸزدەستٸرۋ ٸس-شارالارىن جٷرگٸزٸپ, ينتەرنەت الاياقتىققا شەتەلدٸك ازاماتتاردىڭ قاتىسى بار ەكەنٸن انىقتادى. مينيسترلٸك قىزمەتكەرلەرٸ قىزمەتتٸك ٸسساپار بارىسىندا ۋكراينا ۇلتتىق پوليتسيياسىمەن جەنە چەحييا پوليتسيياسىمەن بٸرلەسٸپ, ينتەرنەت الاياقتاردىڭ ەكٸ ترانسۇلتتىق قىلمىستىق توبىنىڭ ەرەكەتٸنە توسقاۋىل قويدى.
زاپوروجە قالاسىندا الاياقتاردىڭ ەكٸ call-ورتالىعى جويىلدى. قاسكٷنەمدەر ٶزدەرٸن بانكتەر مەن قۇقىق قورعاۋ ورگاندارىنىڭ قىزمەتكەرلەرٸ رەتٸندە تانىستىرىپ, قازاقستاندىقتارعا قوڭىراۋ شالىپ, ولاردىڭ شوتتارىنىڭ دەرەكتەرٸن الۋعا تىرىسقان. 9 ادام ۇستالدى. 17 كومپيۋتەر, 62 موبيلدٸ قۇرىلعى, سونداي-اق, 35 گرامم مەتادون پرەپاراتى تەركٸلەندٸ.
ودەسسا قالاسىندا الاياقتىققا قاتىسى بار ٷش call ورتالىق تاراتىلدى. قاسكٶيلەر جالعان ينۆەستيتسييالىق كومپانييالارعا قارجى سالۋ سىلتاۋىمەن ينتەرنەت الاياقتىق جاساعان. مۇندا 23 ادام ۇستالدى. 9 كٷدٸكتٸ ۋاقىتشا ۇستاۋ يزولياتورىنا قامالدى. 8 اۆتوكٶلٸك, 58 نوۋتبۋك, 52 سمارتفون, 100-دەن استام sim-كارتا, سونداي-اق, 200 مىڭ اقش دوللارىنان اسا سوماعا تسيفرلىق اكتيۆتەر تەركٸلەندٸ.
"قازٸرگٸ ۋاقىتتا تەرگەۋ جەنە جەدەل-ٸزدەستٸرۋ امالدارى جالعاسىپ جاتىر", – دەدٸ شىڭعىس ەلەكەشەۆ.
