ساياساتكەر عالىمجان جاقييانوۆ الماتىدا ٶزٸنە قاتىستى قىلمىستىق ٸس قوزعالعانىن ايتتى, - دەپ حابارلايدى Dalanews.kz.
جاقييانوۆ بۇل جولى دا مەسەلە تٶلەن توقتاسىنوۆپەن اراداعى داۋدان شىققانىن جازدى.
"وسىعان دەيٸن تٶلەن توقتاسىنوۆ ەكەۋٸمٸزدٸڭ ارامىزداعى ٸسكەرلٸك داۋدىڭ (ونىڭ باستاماسىمەن) قوعامدىق ورتاعا شىعىپ, ارتى سوت وتىرىستارىنا ۇلاسقانى تۋرالى جازعانمىن.
مەسەلەنٸڭ قىسقاشا مەن-جايى بىلاي: بٸر كەزدەرٸ ٶز باسىنداعى قارىزدارىمەن قارجىلىق جاۋاپكەرشٸلٸكتٸ توقتاسىنوۆ ماعان جٷكتەۋگە تىرىستى. ٶكٸنٸشكە قاراي, ونىڭ بۇل ەرەكەتكە بارۋىنا ۇزاق جىلعى دوستىعىمىز دا كەدەرگٸ بولا المادى. ول ماعان جالا جابۋمەن, ازاماتتىق سوتقا جٷگٸنۋمەن شەكتەلمەدٸ", - دەيدٸ جاقييانوۆ.
پاۆلودار وبلىسىنىڭ بۇرىنعى ەكٸمٸ بولعان جاقييانوۆتىڭ ايتۋىنشا, توقتاسىنوۆ 2022 جىلى دا موڭعولييا پوليتسيياسىنا ارىز جازعان. بۇل كەزدە قۇقىق قورعاۋ ورگاندارى بارلىق مەن-جايدى تەكسەرٸپ, جاقييانوۆتى جاۋاپقا تارتۋعا نەگٸز تاپپاي, كەرٸسٸنشە, توقتاسىنوۆتىڭ ٶزٸنە قاتىستى قىلمىستىق ٸس قوزعاپتى. وسىدان كەيٸن ول موڭعولييادان كەتۋگە مەجبٷر بولعان. قازٸر وعان ٸزدەۋ سالىنعان.
"كٷنٸ كەشە تاعى بٸر جايت ەستٸدٸم. تٶلەن توقتاسىنوۆ بىلتىر الماتىنىڭ بوستاندىق اۋداندىق پوليتسيياسىنا دا دەل سونداي ارىزبەن جٷگٸنٸپتٸ. ونداعىلار دا مەنٸڭ ٸس-ەرەكەتٸمدە قىلمىس قۇرامى بولماۋىنا بايلانىستى ماعان قاتىستى ٸس قوزعاۋدان باس تارتادى. الايدا بيىلعى جىلدىڭ 1 اقپانىندا الماتى قالاسى پروكۋرورى س.كەرٸپبەكوۆ ول شەشٸمٸنٸڭ كٷشٸ جويىلىپ, توقتاسىنوۆتىڭ ارىزى بويىنشا تەرگەۋ باستالعانىن حابارلاپتى.
وسىلايشا, "جاڭا ەدٸلەتتٸ قازاقستاندا" ماعان قارسى جاڭا قىلمىستىق ٸس قوزعالدى. قازاقستان ازاماتتارى اراسىنداعى جەكە داۋعا قالا پروكۋرورىنىڭ ارالاسۋى كەم دەگەندە كٷمەن تۋدىرادى.
ەسٸرەسە, قر باس پروكۋرورىنىڭ پروكۋراتۋرا ٶكٸلدەرٸنە ٸسكەرلٸك داۋلارعا ارالاسۋعا تىيىم سالاتىن رەسمي نۇسقاۋى بار ەكەنٸن ەسكەرسەك, بۇل مٷلدەم ويعا قونبايدى.
سوندىقتان وسى ٸستە نە جەمقورلىق, نە ساياسي استارى بار دەپ سانايمىن. ەكەۋٸنٸڭ ناقتى قايسىسى ەكەنٸن الداعى ۋاقىت كٶرسەتەر", - دەپ جازدى جاقييانوۆ.
تٶلەن توقتاسىنوۆ پەن عالىمجان جاقييانوۆ - بۇرىننان جاقسى ارالاسقان تۇلعالار, تٸپتٸ بٸرگە جۇمىس ٸستەگەن. كەيٸن وپپوزيتسيونەر رەتٸندە دە كٶزگە تٷسكەن. الايدا اراعا جىلدار سالعان سوڭ ەكٸ دوستىڭ اراسىنان قارا مىسىق ٶتكەن.
