قىزىلوردادا ٶز بالالارىن تۇنشىقتىرىپ ٶلتٸرگەن ەيەلگە قاتىستى جاڭا دەرەكتەر ايتىلدى. ەكٸ بالاسىن ٶلتٸرگەن ەيەل جايلى ونىڭ تانىستارى "كٶرەمٸز" باعدارلاماسىندا ايتىپ بەردٸ, - دەپ حابارلايدى Dalanews.kz.
كٷدٸكتٸ كەلٸنشەك شيەلٸ اۋدانىندا تۋعان. جوعارى وقۋ ورنىن بٸتٸرگەن سوڭ 10 جىلداي ۇستازدىق قىزمەت اتقارعان. مەكتەپ ەكٸمشٸلٸگٸ, وقۋشىلاردىڭ اتا-اناسى, ەرٸپتەستەرٸ, كٶرشٸلەرٸنٸڭ سٶزٸنشە, ول وقۋشىلارمەن تەز تٸل تابىساتىن, اتا-انالارمەن قارىم-قاتىناسى جاقسى, اقجارقىن مٸنەزدٸ ەكەن. ماقتاۋ مەن ماداقتاۋ قاعازى كٶپ كەلٸنشەك-وتباسىنداعى جالعىز پەرزەنت. 25 جاسىندا تۇرمىسقا شىققان كەلٸنشەكتٸڭ 2 بالاسى بولعان.
سۇمدىق وقيعا بولماس بۇرىن ول ەلەۋمەتتٸك جەلٸگە ەكٸ بالاسى مەن ٶزٸنٸڭ قولىن سۋرەتكە تٷسٸرٸپ, "جٷرەكتەرٸمٸز مەڭگٸ بٸرگە" دەپ جازبا قالدىرعان.
كەلٸنشەك جانتٷرشٸگەرلٸك قىلمىستى جاساعاننان كەيٸن جاسىرىنباق بولىپ تٷنەگەن شىمكەنتتەگٸ قوناق ٷي قىزمەتكەرلەرٸ "ول مۇندا كەلگەن جوق" دەپ ات-تونىن الا قاشتى. ال ونى قالاي ۇستاپ ەكەتكەنٸن كٶرگەن قالا تۇرعىندارىنىڭ بٸرٸ ەيەل قىلمىس جاساعان ادامعا ۇقساماعانىن ايتتى.
"كٶردٸم, بٸراق نە ٷشٸن ەكەتٸپ بارا جاتقانىن تٷسٸنبەگەن ەم. كەيٸن ينتەرنەتتەن كٶردٸم. قوڭىر تٷستٸ شۋبا كيٸپ العان, تٷرٸ ۋايىمداپ بارا جاتقان ادامعا ۇقسامادى", – دەدٸ تۇرعىنداردىڭ بٸرٸ.
ال ەيەلدٸڭ كٶرشٸلەرٸ تىڭ دەرەكتٸ جارييا ەتتٸ. ولاردىڭ ايتۋىنشا, قىزدىڭ دەرتٸ بولعان.
"ستۋدەنت كەزدە اۋىرىپ, مولدالارعا اپارىپ, قازاقى ەم-دوم جاساعان. سودان كەيٸن جاقسى بوپ كەتكەنٸمەن, الدىڭعى جىلى قايتادان دەرتٸ اسقىنعان ەكەن. ۇيىقتاپ جاتىپ بٸر جاققا كەتٸپ قاپ, كەيٸن تاۋىپ الىپ كەلٸپتٸ دەگەندٸ ەستٸدٸك", - دەيدٸ كەلٸنشەك تۋعان اۋىلدىڭ تۇرعىندارى.
ال ەمحانا قىزمەتكەرلەرٸ ديسپانسەرلٸك ەسەپتە تۇرماعانىن, تەك جٷكتٸلٸك كەزدە باقىلاۋدا بولعانىن ايتتى. كەلٸن بوپ تٷسكەن جەرٸندە كٶرشٸلەس تۇراتىن تۇرعىندار اتا-ەنەسٸ دە, كٷيەۋٸ دە ٶتە جاقسى ادامدار دەيدٸ.
"جۇمىستان كەلٸپ, بالالاردى بالاباقشادان الىپ كەتكەن. ٷي ٸشٸ كەشكە كەلمەگەننەن كەيٸن ٸزدەي باستاعان. كٷيەۋٸ جۇمىستان 11-12-لەر شاماسىندا كەلسە, كەتٸپ قالعان ەكەن. بٸرٸنشٸ قۇربىسىنا جازىپ, "مەنٸ الىپ كەتٸڭدەرشٸ" دەپ ورنالاسقان جەرٸن جٸبەرٸپتٸ. قۇربىسى كەلٸنشەكتٸڭ كٷيەۋٸنە حابار بەرٸپ, ٷش ادام بولىپ سول جاققا بارعان. سول كەزدە سۇمدىق وقيعا بولعانىن بٸلگەن", –دەيدٸ كٶرشٸلەرٸنٸڭ بٸرٸ.
كٷدٸكتٸنٸڭ لەيلا ەسٸمدٸ تۋىسى ونىڭ بۇرىننان اۋىتقۋى بار ەكەنٸن, كٸشٸرەك كەزٸندە بٸرنەشە رەت ٶزٸنە قول جۇمساماق بولعانىن ايتتى. ال قايىنٸنٸسٸ جۇبايلار اراسىندا مٷلدەم ۇرىس-كەرٸس بولماعان دەيدٸ. سٶزٸنشە, نە جاعداي بولعانى ٶزدەرٸنە دە جۇمباق بولىپ وتىر.
"ٸشكەن ەكەن, ۇرىس-كەرٸس بولعان ەكەن, اۋىتقۋى بار دەگەنگە سەنبەڭٸزدەر. ونىڭ بەرٸ – جالعان", – دەدٸ ول.
ەسكە سالا كەتەيٸك, بيىل 7 اقپاندا تٷركٸستان قالاسىنىڭ جالدامالى پەتەرلەرٸنٸڭ بٸرٸنەن ەكٸ كٸشكەنتاي بالانىڭ دەنەسٸ تابىلدى. كەيبٸر مەلٸمەتتەر بويىنشا ولاردى اناسى جاستىقپەن تۇنشىقتىرىپ ٶلتٸرگەن.
وسى فاكت بويىنشا قىلمىستىق ٸس قوزعالدى. ٶلٸمنٸڭ سەبەبٸن انىقتاۋ ٷشٸن بالالاردىڭ دەنەسٸ ساراپتاماعا جولداندى.
