تٷركٸستان وبلىسىندا ەگٸن شارۋاشىلىعىمەن اينالىساتىن فەرمەرلەر جەكە كومپانييانىڭ كەسٸرٸنەن شىعىنعا ۇشىراعاندارىن ايتىپ, شاعىمداندى. ولاردىڭ سٶزٸنشە, قۇرىلىس كومپانيياسى ماقتا مەن جوڭىشقا ەگٸلگەن القاپتى قازىپ تاستاعان, دەپ حابارلايدى Dalanews.kz 31 ارناعا سٸلتەمە جاساپ.
كومپانييا ٶكٸلدەرٸ جەر استىندا 40 جىل بۇرىن تارتىلعان قۇبىردى قازىپ الماق بولىپ, ەگٸس القابىن تٷگەل بٷلدٸرگەن.
"بەس جارىم گەكتار جەردٸڭ جوڭىشقاسى تٷگەل قوپارىلدى. ەندٸ ەكٸنشٸ, ٷشٸنشٸ, تٶرتٸنشٸ ورىمنان ەشقانداي ٶنٸم الا الماي قالدىم", – دەيدٸ فەرمەر مايرا شەتەنوۆا.
شارۋالاردىڭ ايتۋىنشا, اتالعان كومپانييانىڭ ەرەكەتٸ ونداعان فەرمەرگە زييانىن تيگٸزۋٸ مٷمكٸن. سەبەبٸ قازىلىپ جاتقان قۇبىر ەگٸستٸككە سۋ بەرەتٸن كانالدىڭ استىنان ٶتەدٸ. ەگەر جۇمىس جالعاسا بەرسە, ەگٸن سۋسىز قالىپ, تٷگەل قۋراپ كەتۋٸ ىقتيمال.
ال جەرگٸلٸكتٸ ەكٸمدٸك ٶكٸلدەرٸ مەسەلەنٸ شەشۋگە شاراسىز ەكەنٸن مويىنداپ وتىر.
"جاقىندا تۇرعىندار "Ferrum Vtor" جشس ٶكٸلدەرٸمەن كەلٸسٸمگە كەلدٸ. قازٸر قازىلعان بٶلٸگٸن جاۋىپ, قالعان جەردٸ كٷزدە قازۋعا ۋاعدالاستى. كەيٸن بٷلٸنگەن القاپتى قالپىنا كەلتٸرۋگە كٶمەكتەسەمٸز. بٸراق سوتتىڭ شەشٸمٸن ٶزگەرتۋگە نەمەسە وعان قارسى شىعۋعا قۇقىمىز جوق", – دەدٸ قوسسەيٸت اۋىلدىق وكرۋگٸنٸڭ ەكٸمٸ نۇربول جايناروۆ.
كومپانييا باسشىلىعى ەزٸرگە جاۋاپ بەرمەدٸ. ال شارۋالار ەگٸستٸك القاپتارىن كٷنٸ-تٷنٸ كٷزەتۋگە كٸرٸستٸ.
