جىل سوڭىندا ٶتٸپ جاتقان ايتۋلى شارا «جاساندى ينتەللەكت جەنە بٸلٸم بەرۋدٸڭ بولاشاعى» تاقىرىبى اياسىندا ٶتۋدە. پانەلدٸك سەسسيياسىندا جاساندى ينتەللەكت ماڭايىندا سپيكەرلەر مەن زالدا جينالعان تٷلەكتەر مەن وقۋشىلار اراسىندا ديسكۋسسييا تۋىنداپ, ٶزەكتٸ تاقىرىپتى قىزۋ تالقىلادى. سەسسييانىڭ قوناعى, جاساندى ينتەللەكتتٸ قولدانۋ بويىنشا ەكسپەرت مامان ايدىن ماۋتحان, تاريح پەنٸنٸڭ مۇعالٸمٸ التىنگٷل كاۋمەنوۆا, تٷلەكتەر بەيبارس جاكسيمانوۆ, ابىلاي سۋلتانبەكوۆ, 12-سىنىپ وقۋشىلارى امانعالي ارۋجان, قاسەن جانييا جاساندى ينتەللەكتتٸڭ اكادەمييالىق ادالدىققا تيگٸزەتٸن ەسەرٸ, پايداسى مەن زييانى تۋرالى پٸكٸرلەرٸن ورتاعا سالدى.
فورۋمنىڭ ارنايى سەسسييالارىندا تٷلەكتەر ٶز تەجٸريبەلەرٸنە سٷيەنە وتىرىپ زيياتكەرلٸك مەكتەپ وقۋشىلارىنىڭ ماماندىقتى تاڭداۋ, بٸلٸمدٸ جالعاستىرۋ باعىتىندا تۋىندايتىن كٶپتەگەن ساۋالدارىنا جاۋاپ بەردٸ. ەلٸمٸزدٸڭ, ەلەمنٸڭ ٷزدٸك جوعارى وقۋ ورىندارىندا بٸلٸم الىپ جاتقان ستۋدەنتتەرمەن قاتار ديپلومعا يە بولىپ تٷرلٸ سالادا قىزمەت اتقارىپ جٷرگەن كەشەگٸ زيياتكەرلەر جىلى تارتىمدى اتموسفەرادا قۇندى اقپاراتتارىمەن بٶلٸستٸ.
فورۋم زيياتكەرلەردٸڭ تٷرلٸ ۇرپاقتارى اراسىندا كٶپٸردٸ نىعايتىپ باستى مٸندەتٸن ورىندادى, بولاشاقتا اقپارات الماسۋ, ستۋدەنتتەرمەن ونلاين-كەزدەسۋلەر ٶتكٸزۋگە باعىتتالعان قاۋىمداستىققا جاڭا سەرپٸن بەردٸ.
«وقۋىڭىزدى بٸتٸرگەننەن كەيٸن ەلگە ورالاسىز با?» دەپ زالدان قويىلعان سۇراققا:
- مەن ٶز وتانىمنىڭ پاتريوتىمىن. ەگەر مەنٸڭ ديپلومىم قازاقستاندا قۇندى بولماسا دا, مەن قايتىپ ورالىپ ەلدٸ ٶركەندەتۋگە ٶز ٷلەسٸمدٸ قوسامىن. بۇل NIS Alumni-دٸڭ باستى قاعيداسى, - دەپ مىزعىماستان جاۋاپ بەردٸ گەرمانييانىڭ Technical University-دٸڭ ستۋدەنتٸ مەدي بولات.
– فورۋمنان العان ەسەرلەرٸم كەرەمەت! بۇل جوبا ۇرپاقتار ساباقتاستىعىن نىعايتۋمەن قاتار, بولاشاق وقۋشىلارىمىزعا باعدار بولا الادى. مەن جاس بۋىن ٶكٸلدەرٸنە كەڭەس بەرٸپ, جوعارعى وقۋ ورنىنا تاپسىرۋدا مٸندەتتٸ تٷردە ەسكەرەتٸن قاجەتتٸ اقپاراتتاردى ايتۋعا قاشاندا دايىنمىن. زيياتكەرلٸك مەكتەبٸمە ريزاشىلىعىم شەكسٸز. وسى قابىرعادا العان بٸلٸمٸم ۋنيۆەرسيتەتكە تٷسۋگە جەنە وقۋعا كٶپ جەڭٸلدٸگٸن بەردٸ, – دەپ اعىنان جارىلدى گونكونگ ۋنيۆەرسيتەتٸنٸڭ 4-شٸ كۋرس ستۋدەنتٸ كريستينا حلوپۋنوۆا.
